ജാതി : മൂല്യവർദ്ധിത ഉൽപ്പന്നങ്ങൾ

കേരളത്തിലെ പ്രധാന നാണ്യവിളകളിൽ ഒന്നാണ് ജാതി. ആഗോള വിപണിയിലും ആഭ്യന്തര വിപണിയിലും ജാതിയുൽപ്പന്നങ്ങൾക്ക് ഇന്ന് ആവശ്യക്കാർ ഏറെയുണ്ട്. മിക്ക മൂല്യവർധിത ഉൽപ്പന്നങ്ങളും ലഘുയന്ത്രങ്ങൾ ഉപയോഗപ്പെടുത്തിയും അല്ലാതെയും കർഷകർക്ക് സ്വയമോ, കർഷക കൂട്ടായ്മകൾക്കോ ചെയ്യാവുന്നതാണ്.
ജാതിതൊണ്ട് പാഴാക്കി കളയാതെ ഇതുപയോഗിച്ച് വിവിധ വിഭവങ്ങൾ ഉണ്ടാക്കിയെടുക്കാനുളള രീതി കേരള കാർഷിക സർവ്വകലാശാല വികസിപ്പിച്ചെടുത്തിട്ടുണ്ട്.
അവയിൽ പ്രധാനമായവ ഏതെല്ലാമെന്ന് നോക്കാം.

ജാതി തൊണ്ട് പൊടി


ജാതി തൊണ്ട് കഴുകി വൃത്തിയാക്കി ഉണക്കിയ ശേഷം മിക്‌സിയിലോ, ഗ്രൈൻഡറിലോ ഇട്ട് പൊടിച്ചെടുക്കണം.

ജാതിത്തൊണ്ട് ചമ്മന്തി അഥവാ ചട്ണി

ജാതിക്കത്തൊണ്ടിന്റെ തൊലി ചെത്തിയെടുത്ത് അവ ചെറുതായി മുറിച്ച്
ആവശ്യത്തിന് തേങ്ങ, കാന്താരി മുളക്, ഇഞ്ചി, ചുവന്നുള്ളി, കറിവേപ്പില , ഉപ്പ് എന്നിവ ചേർത്ത് അരച്ചെടുക്കണം. മിക്‌സിയിലാണ് അരയ്ക്കുന്നതെങ്കിൽ അരഞ്ഞു പോകാതിരിക്കാൻ ശ്രദ്ധിക്കണം.

ജാതി തൊണ്ട് അച്ചാർ
കഴുകിയെടുത്ത ജാതിക്ക തൊണ്ട് രണ്ടു ശതമാനം വീര്യമുള്ള ഉപ്പുവെള്ളത്തിൽ ഒരാഴ്ച ഇട്ടു വെക്കണം. തുടർന്ന് നന്നായി ശുദ്ധജലത്തിൽ കഴുകി എടുക്കണം. തൊണ്ട് ചെറുതായി അരിഞ്ഞു ഒരു വൃത്തിയുള്ള തുണിയിൽ കിഴി കെട്ടി തിളക്കുന്ന വെള്ളത്തിൽ 10 മിനുട്ട് മുക്കി വെക്കണം. ഇങ്ങനെ തയ്യാറാക്കിയ ജാതിക്ക തൊണ്ടുപയോഗിച്ച് രണ്ടുതരം അച്ചാർ തയ്യാറാക്കാം. വെള്ളനിറത്തിലുള്ള അച്ചാറാണ് ഇഷ്ടമെങ്കിൽ ആവശ്യത്തിന് കാന്താരി മുളകും വെളുത്തുള്ളിയും ഒരു തുണി കഷണത്തിൽ കെട്ടി 10 മിനുട്ട് തിളച്ച വെള്ളത്തിൽ മുക്കിവെച്ച് എടുത്ത ശേഷം ജാതിക്ക തൊണ്ടുമായി യോജിപ്പിച്ച് അണുവിമുക്തമായ കുപ്പിയിൽ നിറക്കണം. ഇതിലേക്ക് പുളിക്കാവശ്യമായ വിനാഗിരിയും പാകത്തിന് ഉപ്പും തിളപ്പിച്ചാറിയ വെള്ളത്തിൽ ചേർത്ത് ഒഴിയ്ക്കുക. ഒരാഴ്ച കഴിഞ്ഞാൽ അച്ചാർ ഉപയോഗിക്കാൻ പാകമാകും.
ചുവന്ന നിറത്തിലുള്ള അച്ചാറാണ് വേണ്ടതെങ്കിൽ ഒരു പാത്രത്തിൽ ഒരു വലിയ സ്പൂൺ എണ്ണ ഒഴിച്ച് ചൂടാവുമ്പോൾ ഒരു സ്പൂൺ കടുക് പൊട്ടിയ്ക്കുക.ഇതിലേക്ക് രണ്ട് ടേബിൾ സ്പൂൺ വെളുത്തുള്ളി നീളത്തിൽ അരിഞ്ഞതും ഒരു സ്പൂൺ ഇഞ്ചി പൊടിയായി അരിഞ്ഞതും ചേർത്ത് ചൂടാക്കണം. മൂന്ന് ടേബിൾസ്പൂൺ മുളക്‌പൊടി, അര ടീസ്പൂൺ വീതം മഞ്ഞൾ പൊടി, കായപ്പൊടി എന്നിവയും കാൽ ടീസ്പൂൺ ഉലുവപ്പൊടിയും കൂടി കുറച്ച് വെളളത്തിൽ കുഴച്ച് എണ്ണയിലേക്ക് ചേർത്ത് ചൂടാക്കണം. ഇതോടൊപ്പം തന്നെ കാൽ ടീസ്പൂൺ സിട്രിക് ആസിഡ് അല്ലെങ്കിൽ രണ്ടു നാരങ്ങയുടെ നീരും ചേർക്കുക. ഒരു കി.ഗ്രാം ജാതിക്ക തോടു കഷണങ്ങളും പാകത്തിന് ഉപ്പും ചേർത്ത് രണ്ടു മിനുട്ടു നേരം ചെറു തീയിൽ ചൂടാക്കുക.ഇതിലേക്ക് രണ്ട് വലിയ സ്പൂൺ വിനാഗിരിയും ചേർക്കണം. വിനാഗിരി ചേർത്ത് കഴിഞ്ഞാൽ അധികം ചൂടാക്കരുത്. ചൂടോടെ തന്നെ അണുവിമുക്തമാക്കിയ കുപ്പികളിൽ നിറയ്ക്കാം. ചൂടാറിയതിനു ശേഷം അടച്ചു സൂക്ഷിക്കാം.


ജാതിത്തൊണ്ട് പ്രിസർവ്


വിളഞ്ഞ് പൊട്ടിയ കായ്കളുടെ തൊണ്ട് വേർപെടുത്തി നല്ലതുപോലെ കഴുകി നീളത്തിലുള്ള കഷണങ്ങളാക്കുക. ഇത് രണ്ടു ശതമാനം വീര്യമുള്ള ഉപ്പുവെള്ളത്തിൽ നാല് - അഞ്ച് ദിവസം ഇട്ട് കറ കളഞ്ഞ കഴുകിയെടുക്കണം. സ്റ്റെയിൻ ലസ്സ് സ്റ്റീൽ ഫോർക്ക് കൊണ്ടു കുത്തി അവയിൽ സുഷിരങ്ങളുണ്ടാക്കുക. തുടർന്ന് കഷണങ്ങൾ മൃദുവാകുന്നതിനായി ആവി കയറ്റണം. വൃത്തിയുള്ള പാത്രത്തിൽ കഷണങ്ങളുടെ പകുതി തൂക്കം പഞ്ചസാര ആവി കയറ്റിയ തൊണ്ടു കഷണങ്ങൾക്കിടയിലിട്ട് അടച്ച് 24 മണിക്കൂർ വയ്ക്കുക. കഷണങ്ങളിലുള്ള വെള്ളം ഈ സമയം പുറത്തേക്ക് വരും. അടുത്ത ദിവസം കുറച്ചു കൂടെ പഞ്ചസാരയിട്ട് ഇളക്കി വെയ്ക്കണം. അൽപ്പം സിട്രിക്ക് ആസിഡും ചേർക്കാം. അതിനു ശേഷം പഞ്ചസാര ലായനിയിലുള്ള കഷണങ്ങൾ അഞ്ച് മിനുട്ട് വേവിക്കുക. മൂന്ന് നാല് ദിവസം കഷണങ്ങൾ പഞ്ചസാര ലായനിയിൽ തന്നെ ഇട്ടു വെയ്ക്കുക. പഞ്ചസാരയുടെ അളവ് 70 ശതമാനമാകുമ്പോൾ വൃത്തിയിലുള്ള പാത്രങ്ങളിലാക്കി സൂക്ഷിച്ചു വെയ്ക്കാം.

ജാതിത്തൊണ്ട് കാൻഡി

പ്രിസർവ് ഉണ്ടാക്കുന്നതുപോലെ തന്നെയാണ് തുടക്കം. പ്രിസർവുണ്ടാക്കി ഒരാഴ്ച കഴിഞ്ഞതിനു ശേഷം കഷണങ്ങളെടുത്ത് വൃത്തിയുള്ള തുണിയിൽ തിരുമ്മി ഉണക്കി കാബിനറ്റ് ഡ്രയറിൽ വെച്ച് 55 ത്ഥഇ ൽ വച്ച് ഉണക്കിയെടുക്കുക. വെയിലത്ത് വെച്ചും ഉണക്കാം.

ജാതിത്തൊണ്ട് വീഞ്ഞ്

പാകമായ വിളഞ്ഞ ജാതിത്തൊണ്ട് വൃത്തിയായി കഴുകിയെടുക്കണം. ഇത് കഷണങ്ങളാക്കി രണ്ടു ശതമാനം വീര്യമുള്ള ഉപ്പുവെള്ളത്തിൽ മൂന്നു ദിവസം ഇട്ട് വെയ്ക്കണം. കറ കളയാനാണിത്. അതിനു ശേഷം വീണ്ടും ശുദ്ധജലത്തിൽ കഴുകി വാരി വയ്ക്കുക.
ജാതിത്തൊണ്ട് ഒരു കിലോ , പഞ്ചസാര 1.25 കി.ഗ്രാം അല്ലെങ്കിൽ വെല്ലം ശ്രർക്കര )ഒന്നര കി.ഗ്രാം , വെളളം രണ്ടു ലിറ്റർ, യീസ്റ്റ് അഞ്ചു ഗ്രാം എന്നിവയാണ് ചേരുവകൾ.
വൃത്തിയുള്ള മൺ ഭരണി തയ്യാറാക്കി വെക്കുക. കറ കളഞ്ഞ ജാതിത്തൊണ്ട് കഷണങ്ങളും പഞ്ചസാരയും പല തട്ടുകളിലായി അതിൽ നിറക്കുക. നിറഞ്ഞതിനു ശേഷം മേലെ യീസ്റ്റ് ലായനി ഒഴിക്കുക. കഴുകി ഉണക്കിയ അൽപ്പം ഗോതമ്പ് മണികളും മുകളിൽ വിതറി കൊടുക്കണം. അതിനു ശേഷം ഭരണി വായുകടക്കാതെ കെട്ടി വെളിച്ചം കയറാത്ത സ്ഥലത്ത് വെയ്ക്കുക. ഒരാഴ്ച കഴിയുമ്പോൾ ഭരണി തുറന്ന് ഏകദേശം രണ്ടു ലിറ്റർ തിളപ്പിച്ചാറ്റിയ വെള്ളം ഒഴിച്ചു ഭരണി ഒന്നിളക്കി വീണ്ടും കെട്ടി വെളിച്ചമില്ലാത്ത സ്ഥലത്ത് വെക്കുക. ഒന്നിടവിട്ട ദിവസങ്ങളിൽ ഭരണി തുറന്ന് ഒരു മരകയില് (തവി ) കൊണ്ട് ഇളക്കുകയും വേണം. മൂന്നാഴ്ചക്കുളളിൽ വീഞ്ഞ് തയ്യാറാവും. അരിച്ചെടുത്ത് കുപ്പികളിലാക്കി വീണ്ടും വെളിച്ചമില്ലാത്ത സ്ഥലത്ത് തന്നെ വെയ്ക്കുക. മട്ട് കുപ്പിയ്ക്ക് താഴെ അറിയുന്നത് കാണാം. അത് വീണ്ടും അരിച്ച് വൃത്തിയുള്ള കുപ്പികളിലേക്ക് പകർത്തി സൂക്ഷിക്കുക. പഴകുന്തോറും വീഞ്ഞിന് സ്വാദ് കൂടും.

ജാതിക്ക തൊണ്ട് ജാം

ഇതിനായി ആദ്യം പൾപ്പ് തയ്യാറാക്കണം.
ജാതിക്ക തൊണ്ട് രണ്ടു ശതമാനം വീര്യമുള്ള ഉപ്പുവെള്ളത്തിൽ ഏഴ് ദിവസം ഇട്ട് വെച്ചതിനു ശേഷം നന്നായി ശുദ്ധജലത്തിൽ കഴുകിയെടുക്കണം. ഇത് ചെറുതായി മുറിച്ച് തിളപ്പിച്ചാറിയ വെളളമൊഴിച്ച് നന്നായി അരച്ചെടുക്കണം. അരയ്ക്കുമ്പോൾ ഒരു കി.ഗ്രാമിന് 50 ഗ്രാം എന്ന തോതിൽ പഞ്ചസാര ചേർത്തു വേണം അരയ്ക്കാൻ.
ഇപ്രകാരം തയ്യാറാക്കിയ
ഒരു കി.ഗ്രാം പർപ്പിൽ 950 ഗ്രാം പഞ്ചസാര ചേർക്കാം. പഞ്ചസാര ഒരു കപ്പ് വെള്ളമൊഴിച്ച് പാനിയാക്കിയതിനു ശേഷം അരിച്ച് പൾപ്പിൽ ചേർക്കുക. ഇത് ചെറു തീയിൽ ചൂടാക്കി വറ്റിച്ചെടുക്കണം. ഒരു പരന്ന പാത്രത്തിലെടുത്ത വെള്ളത്തിൽ ജാം ഒരു സ്പൂൺ വീഴ്ത്തി നോക്കിയിട്ട് ജാം പാകമായോ എന്നറിയാം. ഇത് അണുവിമുക്തമായ കുപ്പികളിൽ ചൂടോട് കൂടി തന്നെ പകരണം. ചൂടാറിയതിനു ശേഷം അടച്ചു സൂക്ഷിക്കാം.

ഹൽവ
ഒരു കി.ഗ്രാം പൾപ്പിന് 200 ഗ്രാം മൈദ കുറച്ചു വെളളത്തിൽ കലക്കി ചേർക്കുക. മൈദക്ക് പകരം പഴുക്കാത്ത നേന്ത്രപ്പഴം വേവിച്ചുടച്ചത് ചേർത്താലും മതി. ഒരു കി.ഗ്രാം പഞ്ചസാര ഒരു കപ്പ് വെള്ളം ചേർത്ത് തിളപ്പിച്ച് പാനിയാക്കി അരിച്ച് പൾപ്പുമായി നല്ലവണ്ണം ഇളക്കി യോജിപ്പിക്കുക. ചുവട് കട്ടിയുള്ള ഒരു പാത്രത്തിൽ ഹൽവ ക്കൂട്ട് ഒഴിച്ച് അടുപ്പിൽ വെച്ച് ചൂടാക്കി വറ്റിച്ചെടുക്കണം. വെള്ളം വറ്റിവരുന്ന മുറക്ക് 200 ഗ്രാം നെയ്യ് കുറേശ്ശയായി ചേർത്ത് കൊടുക്കണം. നന്നായി ഉരുളുന്ന പരുവത്തിൽ 50 ഗ്രാം നൂറുക്കിയ അണ്ടിപ്പരിപ്പ് ചേർത്തിളക്കി നെയ്മയം പുരട്ടിയ പരന്ന പാത്രത്തിൽ നിരത്തണം. ചൂടാറുമ്പോൾ ആവശ്യത്തിനുള്ള വലുപ്പത്തിൽ കഷണങ്ങളാക്കി മുറിച്ചെടുക്കാം.

 

തെങ്ങ് : മികച്ച വിളവിന് നല്ല തൈകൾ

കനത്ത വിളവിന് പ്രസിദ്ധമായ സ്ഥലങ്ങളിൽ നിന്നും ഉൽപ്പാദന ശേഷിയുളള തെങ്ങുകൾ തെരഞ്ഞെടുത്ത് അവയിൽ നിന്നും വിത്ത് തേങ്ങകൾ ശേഖരിച്ച് തൈകൾ ഉണ്ടാക്കി നടുന്നതാണ് അനുകരണീയരീതി.
കോഴിക്കോട് ജില്ലയിലെ കുറ്റ്യാടിയും തൃശൂർ ജില്ലയിലെ ചാവക്കാടും വിത്ത് തേങ്ങ സംഭരണത്തിന് യോജിച്ച പ്രദേശങ്ങളാണ്.
മധ്യ പ്രായമെത്തിയ തെങ്ങുകളാണ് പൊതുവെ മാതൃവൃക്ഷമായി തെരഞ്ഞെടുക്കേണ്ടത്. നല്ല ആരോഗ്യമുളള തെങ്ങുകൾക്ക് 30 മുതൽ 40 വരെ വിരിഞ്ഞ ഓലകളുണ്ടായിരിക്കും. ഓരോ ഓല കവിളിൽ നിന്നും ഓരോ പൂങ്കുല ഉണ്ടാവും. എല്ലാക്കാലത്തും വിവിധ പ്രായത്തിലുളള പത്തോളം പൂങ്കുലകൾ ആരോഗ്യമുള്ള തെങ്ങുകളിൽ കാണാനാകും. കുലകളുടെ തണ്ട് ബലമുള്ളതും ഒടിഞ്ഞു തൂങ്ങുന്ന പ്രവണത ഇല്ലാത്തതുമായിരിക്കണം. വളരെ നീണ്ടതും ബലഹീനവുമായ തണ്ടുകളോടു കൂടിയ പൂങ്കുലകളുള്ള തെങ്ങുകൾ മാതൃവൃക്ഷമായി തെരഞ്ഞെടുക്കരുത്. പ്രതിവർഷം നൂറിൽ കുറയാത്ത തേങ്ങ തരുന്നവയായിരിക്കണം. ഒരു തേങ്ങയിൽ നിന്നും 150 ഗ്രാമിൽ കുറയാതെ കൊപ്ര ലഭിക്കണം. ഒന്നിടവിട്ട വർഷങ്ങളിൽ മാത്രം മികച്ച വിളവ് തരുന്നവയെ മാതൃവൃക്ഷമാക്കരുത്.
മാതൃവൃക്ഷത്തിന്റെ പ്രായത്തിന് വലിയ പ്രാധാന്യമൊന്നുമില്ലെന്നാണ് ഗവേഷണങ്ങൾ സൂചിപ്പിക്കുന്നത്. തെങ്ങിന്റെ മികവുറ്റ ഉൽപ്പാദനം 25 വയസ്സു മുതൽ 60 വയസ്സുവരെയുളള കാലത്താണ് . അതിനാൽ ഈ കാലയളവ് വിത്ത് ശേഖരണത്തിന് ഏറ്റവും അനുയോജ്യമാണെന്ന് പറയാം.
ഫിബ്രുവരി മുതൽ മെയ് വരെയുള്ള വേനൽ മാസങ്ങളിലാണ് വിത്ത് തേങ്ങ ശേഖരിക്കേണ്ടത്. വിത്ത് തേങ്ങ ഉണങ്ങണമെന്നില്ല. എന്നാൽ നല്ലതുപോലെ വളഞ്ഞിരിക്കണം. തേങ്ങക്ക് കേട് വരാത്ത വിധം താഴെയിറക്കണം. ഉറച്ച മണ്ണിൽ ഉയരത്തിൽ നിന്നും തേങ്ങയിടുമ്പോൾ ഭ്രൂണത്തിന് കേട് പറ്റാൻ ഇടയാകും. വലുപ്പം കുറഞ്ഞതും കേടുപാടുകൾ ഉള്ളതുമായ തേങ്ങ വിത്തിനായി എടുക്കരുത്. പൊതുവെ നല്ല കനമുള്ള വിളഞ്ഞ തേങ്ങകളാണ് കരുത്തോടെ വളരുക. വെള്ളത്തിലിട്ടാൽ ഞെട്ട് മുകളിലായി കുത്തനെ നിൽക്കുന്ന തേങ്ങ വേഗത്തിലും കരുത്തോടെയും മുളയ്ക്കുന്നതായി അനുഭവമുണ്ട്.
ശേഖരിച്ച വിത്ത്‌തേങ്ങകൾ ഒരു മാസമെങ്കിലും തണലിൽ സൂക്ഷിച്ച ശേഷമാണ് പാകേണ്ടത്. വിത്ത് തേങ്ങ തണലുള്ള സ്ഥലത്ത് അധികം ആഴമില്ലാത്തതും ഈർപ്പമില്ലാത്തതുമായ കുഴികളിൽ ഞെട്ടറ്റം മുകളിലാക്കി അടുക്കി അവയ്ക്കിടയിലും ഏറ്റവും മുകളിലും അടിയിലും മണൽ ഇടണം. ഇടക്ക് ചെറിയ തോതിൽ നന നൽകി ഈർപ്പം നിലനിർത്തണം. തേങ്ങയിലെ വെള്ളം വറ്റിപ്പോകാതിരിക്കാനാണ് ഇപ്രകാരം സൂക്ഷിക്കുന്നത്. വെള്ളം വറ്റിയത് വിത്തിനായി ഉപയോഗിക്കരുത്. ഇവ കിളിർക്കുമെങ്കിലും ആരോഗ്യം മോശമായിരിക്കും. കുഴിയെടുത്ത് വിത്ത് തേങ്ങ സൂക്ഷിക്കുന്നതിന് പകരം തണലുളള സ്ഥലത്ത് മണൽ വിരിച്ച് അതിന് മുകളിൽ വിത്ത് തേങ്ങ അടുക്കി വെക്കാം. ഇടയിലും മുകളിലും മണൽ ഇടണം.
കാലവർഷംരംഭത്തോടെയാണ് വിത്ത് തേങ്ങ പാകുന്നത്. മണൽ മണ്ണാണ് നല്ലത്. മണൽ പ്രദേശമാകുമ്പോൾ മണ്ണ് ചളി പരുവമാകില്ലെന്നതും ചിതൽ ശല്യമുണ്ടാകില്ലെന്നതും ഗുണം ചെയ്യും. തൈകൾ വളർന്നു കഴിഞ്ഞാൽ എളുപ്പം പിഴുതെടുക്കാനുമാകും. പോഷകാംശം കുറഞ്ഞ മണലായതിനാൽ തൈകളുടെ ജന്മനാലുള്ള കരുത്ത് തിരിച്ചറിയാനുമാകും.
വിത്ത് തേങ്ങ പാകുന്നതിന് തവാരണയ്ക്കുള്ള സ്ഥലത്ത് ധാരാളം സൂര്യ പ്രകാശം കിട്ടുന്നതോടൊപ്പം മണ്ണിന് നല്ല നീർവാർച്ചയുമുണ്ടാകണം.
ചെറിയ തോതിൽ തണൽ ലഭിക്കുന്ന സ്ഥലമാണ് നഴ്‌സറി ഒരുക്കാൻ നല്ലത്. തണൽ കൂടിയാൽ മുളയ്ക്കുന്ന തൈകൾക്ക് കരുത്തുണ്ടാകുകയില്ല. കടുത്ത സൂര്യപ്രകാശം കിട്ടുന്ന സ്ഥലങ്ങളിൽ വേനലിൽ ഭാഗിക തണൽ ലഭിക്കും വിധം സൗകര്യമൊരുക്കണം.തവാരണക്ക് 150 സെ.മീറ്റർ വീതിയും സൗകര്യം പോലെ നീളവുമാകാം. രണ്ടു വിത്തുതേങ്ങകൾ തമ്മിലുള്ള അകലം 30 സെ.മീറ്റർ നൽകാം. വാരങ്ങൾക്കിടയിൽ 60 സെ.മീറ്റർ മുതൽ 80 സെ.മീറ്റർ വരെ നടപ്പാതകൾ വിട്ടിരിക്കണം. മഴക്കാലത്ത് വെള്ളം വാർന്നു പോകാനും ഇതാവശ്യമാണ്.
വിത്ത് തേങ്ങ നടും മുമ്പ് ഉദ്ദേശം 20 - 25 സെ.മീറ്റർ ആഴത്തിൽ ചാലുകൾ കീറണം. ഈ ചാലുകളിൽ നിർദ്ദിഷ്ട അകലത്തിൽ തേങ്ങകൾ കുത്തനെയോ വിലങ്ങനെയോ പാകാം.
തേങ്ങ പാകുന്നത് അതിന്റെ മുകളറ്റം പുറത്ത് കാണത്തക്കവിധമായിരിക്കണം. നട്ടു കഴിഞ്ഞ് തറകളുടെ ഉപരിതലത്തിൽ ഉണങ്ങിയതെങ്ങോലയോ കരിയിലയോ വിരിക്കുന്നത് നല്ലതാണ്. മഴയില്ലെങ്കിൽ ആഴ്ചയിൽ ഒന്നോ രണ്ടോ തവണ നനക്കണം.

പോളി ബാഗിലും തേങ്ങകൾ പാകി തൈകളാക്കാം. 500 ഗേജ് കനമുള്ളതും കറുത്ത നിറമുള്ളതുമായ പോളിത്തീൻ ബാഗുകളാണ് ഇതിനായി വേണം. അടിഭാഗത്ത് ഏതാനും സുഷിരങ്ങൾ ഉണ്ടായിരിക്കണം. ഇതിൽ മേൽമണ്ണ് ചകിരിച്ചോർ എന്നിവ ഏതാണ്ട് തുല്യ അനുപാതത്തിലെടുത്ത് പകുതി ഭാഗം വരെ നിറച്ച് അതിൽ തേങ്ങ നടാം. ഒഴിഞ്ഞ ഭാഗത്ത് മിശ്രിതം നിറച്ചു തേങ്ങ ഉറപ്പിച്ചു നിർത്തുക. ഇത് അൽപ്പം തണൽ കിട്ടുന്ന സ്ഥലത്ത് നിരത്തി വെച്ച് ആവശ്യാനുസരണം നന നൽകിയാൽ മതി.
തറയിലായാലും ബാഗിലായാലും വിത്ത് തേങ്ങ പാകി എട്ടാഴ്ചയാകുമ്പോഴേക്കും മുളച്ച് തുടങ്ങും. പാകി അഞ്ചു മാസത്തിനകം വിത്തുതേങ്ങകളെല്ലാം മുളച്ചിരിക്കും. പാകി ആറ് മാസത്തിന് മുന്നേ മുളക്കാത്തവയെ മാറ്റണം. നഴ്‌സറിയിൽ യാതൊരുവിധ വളപ്രയോഗവും ആവശ്യമില്ല. വിത്ത് തേങ്ങകൾ പ്രകൃത്യാലുളള ഗുണഗണങ്ങൾ ശൈശവ ദശയിൽ തന്നെ പ്രകടിപ്പിക്കും. അതിനാൽ തൈകളുടെ ആദ്യകാല കരുത്ത് നിരീക്ഷിക്കുന്നത് തൈകളുടെ തെരഞ്ഞെടുപ്പിന് സഹായകമാകും.
മുളച്ച് വരുന്ന തൈകൾക്ക് കുമിൾ ബാധയാലുള്ള ചീച്ചൽ വരാതിരിക്കാൻ ബോർഡോമിശ്രിതം തയ്യാറാക്കി തളിക്കുന്നത് നല്ലതാണ്.

വിത്ത് തേങ്ങ നട്ട് ആദ്യം മുളക്കുന്നതും കരുത്തോടെ വളരുന്നതും ഓലക്കണ്ണികൾ നേരത്തെ രൂപപ്പെടുന്നതുമായ തൈകൾ ഗുണപക്ഷത്ത് മികവ് കാട്ടുന്നതായിരിക്കും. തൈകൾക്ക് ഏതാണ്ട് ഒമ്പത് മാസത്തെ വളർച്ചയെത്തിയാൽ സ്ഥിരമായ സ്ഥലത്തേക്ക് പറിച്ചു നടാം. ഈ പ്രായമെത്തുമ്പോഴേക്കും നല്ല തൈകൾക്ക് ചുരുങ്ങിയത് ആറ് ഓലകളെങ്കിലും ഉണ്ടാകും. കണ്ണാടി ഭാഗം അതായത് തേങ്ങയോട് ചേർന്ന് നില്ക്കുന്ന തണ്ടിന്റെ അടിഭാഗത്തിന് പത്ത് സെ.മീറ്ററിൽ കുറയാത്ത വണ്ണമുണ്ടാകണം. തൈകൾ നഴ്‌സറികളിൽ നിന്നും പിഴുതെടുത്ത് കഴിഞ്ഞാൽ പരമാവധി രണ്ടാഴ്ചക്കുള്ളിൽ സ്ഥിരമായ സ്ഥലത്ത് നടാൻ ശദ്ധിക്കണം.

 

ക്യൂബയിൽ കുട്ടികൾക്കുള്ള കോവിഡ് വാക്‌സിനേഷൻ തുടങ്ങി


സ്വന്തം ലേഖകൻ
ഹവാന
ക്യൂബയിൽ 2 വയസ് മുതലുള്ള കുട്ടികൾക്ക് കോവിഡ് വാക്‌സിനേഷൻ നൽകിത്തുടങ്ങി. ലോകത്ത് ആദ്യമായാണ് ഒരു രാജ്യം കുട്ടികൾക്ക് കോവിഡ് വാക്സിനേഷൻ ആരംഭിക്കുന്നത്.
തിങ്കളാഴ്ച മുതലാണ് ക്യൂബയിൽ വാക്‌സിൻ നൽകിത്തുടങ്ങിയത്. സ്‌കൂളുകൾ തുറക്കുന്നതിന് മുൻപായി കുട്ടികൾക്കുള്ള വാക്സിനേഷൻ പൂർത്തിയാക്കാനാണ് ക്യൂബൻ സർക്കാറിൻറെ ലക്ഷ്യം.
ക്യൂബ തദ്ദേശീയമായി വികസിപ്പിച്ചെടുത്ത വാക്‌സിനാണ് കുട്ടികൾക്ക് നൽകുന്നത്. ഇതിന് ലോകാരോഗ്യ സംഘനയുടെ അംഗീകാരം ഇതുവരെ ലഭിച്ചിട്ടില്ല. സോബെറാന, അബ്ഡല വാക്‌സിനുകളാണ് നൽകുന്നത്. എന്നാൽ, ക്ലിനിക്കൽ ട്രയലുകൾ പൂർത്തിയാക്കിയതായാണ് ക്യൂബൻ അധികൃതർ വ്യക്തമാക്കുന്നത്. 92 ശതമാനത്തിന് മുകളിലാണ് ഈ വാക്‌സിനുകളുടെ ഫലപ്രാപ്തി എന്നാണ് അധികൃതർ അവകാശപ്പെടുന്നത്.
സ്‌കൂളുകൾ ഒക്ടോബർ അവസാനത്തോടെ തുറക്കാനാണ് ക്യൂബൻ അധികൃതരുടെ തീരുമാനം. അതിനുമുൻപായി വാക്‌സിനേഷൻ നടപടികൾ പൂർത്തിയാക്കാനാണ് സർക്കാരിന്റെ ശ്രമം.
കോവിഡിന്റെ തുടക്കം മുതൽ കോവിഡിനെ പ്രതിരോധിക്കുന്നതിൽ ക്യൂബൻ മാതൃക ചർച്ചയായിരുന്നു. വികസിത രാജ്യങ്ങൾ പോലും എന്ത് ചെയ്യണമെന്നറിയാതെ വിറച്ച് നിൽക്കുമ്പോൾ നിരവധി രാജ്യങ്ങൾക്ക് ഡോക്ടര്മാരെയും ആരോഗ്യ പ്രവർത്തകരെയും ക്യൂബ നൽകിയത് ആവേശത്തോടെയാണ് ലോകം കണ്ടത്.
ലോകത്ത് ആദ്യമായാണ് ഒരു രാജ്യം കുട്ടികൾക്കുള്ള കോവിഡ് വാക്‌സിൻ നൽകുന്നത്. ചൈനയും ഈ രംഗത്ത് കുതിക്കുകയാണ്.

ശബരിമലയിൽ മറ്റന്നാൾ വരെ ഭക്തർക്ക് ദർശനാനുമതിയില്ല.
പമ്പ, ഇടമലയാർ ഡാമുകൾ തുറന്നു

സ്വന്തം ലേഖകൻ
പത്തനം തിട്ട
പമ്പ, ഇടമലയാർ ഡാമുകൾ തുറന്നു. രാവിലെ അഞ്ചുമണിയോടെയാണ് പമ്പ ഡാമിന്റെ രണ്ട് ഷട്ടറുകൾ 30 സെന്റിമീറ്റർ വീതം തുറന്നത്. പുറത്തേക്ക് ഒഴുക്കുന്ന ജലം ആറുമണിക്കൂർ കൊണ്ട് പമ്പ ത്രിവേണിയിൽ എത്തും. പമ്പയിൽ ജലവനിരപ്പ് ഉയാരാൻ സാധ്യതയുള്ളതിനാൽ ശബരിമലയിൽ മറ്റന്നാൾ വരെ ഭക്തർക്ക് ദർശനാനുമതിയില്ല.
ഇടമലയാർ ഡാമിന്റെ രണ്ട് ഷട്ടറുകൾ 80 സെന്റിമീറ്റർ വീതമാണ് ഇന്ന് തുറന്നത്. ആലുവ, പറവൂർ മേഖലകളെയാണ് ഏറ്റവുമധികം ബാധിക്കുക. എന്നാൽ നിലവിൽ ആശങ്കപ്പെടേണ്ട സാഹചര്യമില്ല. എട്ടുമണിയോടെ ഇടമലയാർ ഡാമിൽ നിന്നുള്ള വെള്ളം ഭൂതത്താൻകെട്ടിലെത്തും.
25 ഘന അടി മുതൽ പരമാവധി 50 ഘന അടി വരെ വെള്ളമാണ് പമ്പ ഡാമിൽ നിന്ന് പുറത്തേക്കൊഴുക്കുന്നത്. രണ്ട് ഷട്ടറുകൾ ക്രമാനുഗതമായി ഉയർത്തുകയായിരുന്നു. കക്കി- ആനത്തോട് ഡാമിനെ അപേക്ഷിച്ച് പുറത്തേക്ക് ഒഴുക്കിവിടുന്ന ഈ വെള്ളത്തിന്റെ അളവ് വളരെ കുറവാണ്.
കക്കി-ആനത്തോട് ഡാം തുറന്നുവിട്ടപ്പോൾ പമ്പയിലെ ജലനിരപ്പ് 10-15 സെന്റിമീറ്റർ മാത്രമാണ് ഉയർന്നത്. പമ്പ ഡാമിലെ വെള്ളമെത്തുമ്പോൾ ജലനിരപ്പ് 20-25 സെന്റിമീറ്റർ വരെ ഉയരാനാണ് സാധ്യത

 

മുഖം മാറുന്ന ടൂറിസം ഗ്രാമങ്ങളിൽ കാരവാൻ പാർക്ക്

സ്വന്തം ലേഖകൻ
കണ്ണൂർ
കോവിഡ് തളർത്തിയ ടൂറിസം മേഖല തിരിച്ചു പിടിക്കാൻ സമഗ്രമായ നൂതന പദ്ധതികളാണ് ടൂറിസം വകുപ്പ് ആവിഷ്‌കരിക്കുന്നത്.
വിനോദസഞ്ചാരവകുപ്പും മോട്ടോർ വാഹനവകുപ്പും ചേർന്ന് നടപ്പാക്കുന്ന കാരവാൻ ടൂറിസം പദ്ധതി വിനോദസഞ്ചാര മേഖലയുടെ സമഗ്ര വികസനത്തിന് വഴിതെളിക്കുന്നതാണ്. ഓരോ ഗ്രാമത്തിലും ഒരു കാരവാൻ ടൂറിസമാണ് ലക്ഷ്യം. കേരളത്തിൽ ഇനിയും അറിയപ്പെടാത്ത വിനോദസഞ്ചാര കേന്ദ്രങ്ങളെ പ്രയോജനപ്പെടുത്തും. ഓരോ പഞ്ചായത്തിലും ഇത്തരത്തിലുള്ള ഒന്നിലധികം കേന്ദ്രങ്ങൾ കണ്ടെത്തും. 50 സെന്റ് സ്ഥലത്ത് ഒരു കാരവാൻ പാർക്ക് സജ്ജീകരിച്ച് ഭക്ഷണം, വെള്ളം, വൈദ്യുതി തുടങ്ങി കാരവാനിലേക്ക് വേണ്ട എല്ലാ സൗകര്യങ്ങളും ലഭ്യമാക്കും. നിരവധിപേർക്ക് തൊഴിലവസരങ്ങളും ലഭിക്കും. രണ്ടുപേർക്കും നാലുപേർക്കും താമസിക്കാവുന്ന കാരവാനുകളാണ് പദ്ധതിയിലുണ്ടാകുക. കാരവാൻ രജിസ്ട്രേഷൻ അടക്കമുള്ളവ സമയബന്ധിതമായി പൂർത്തീകരിക്കാനാകണമെന്ന് മന്ത്രി മുഹമ്മദ് റിയാസ് നിർദേശം നൽകി.
ഗതാഗതവകുപ്പുമായി ചേർന്ന് നിരവധി പദ്ധതികളാണ് ടൂറിസംവകുപ്പ് നടപ്പാക്കാനുദ്ദേശിക്കുന്നതെന്നും മന്ത്രി പറഞ്ഞു. മൂന്നുപതിറ്റാണ്ടുമുമ്പ് ഹൗസ്‌ബോട്ട് എന്ന ആശയത്തിനുശേഷം നവീനമായ ആശയമാണ് കാരവാൻ ടൂറിസം. കോവിഡിനെ തുടർന്ന് തകർച്ചയിലായ വിനോദസഞ്ചാര മേഖല തിരിച്ചുവരവിന്റെ പാതയിലാണ്. അഞ്ചു വർഷത്തിനകം സഞ്ചാരികളുടെ എണ്ണം വർധിപ്പിക്കുകയാണ് ലക്ഷ്യം. വിദേശസഞ്ചാരികളോടൊപ്പം ആഭ്യന്തര വിനോദസഞ്ചാര സാധ്യതകളും പ്രയോജനപ്പെടുത്തും. -മന്ത്രി പറഞ്ഞു.
ഗ്രാമങ്ങളിലുൾപ്പെടെ സംസ്ഥാനത്തിന്റെ തിരിച്ചറിയാത്ത വിവിധ കേന്ദ്രങ്ങളിൽ വിനോദ സഞ്ചാരികളെത്തിച്ചേരുമെന്ന പ്രത്യേകത കൂടിയുണ്ട്. കാരവനിൽ താമസിച്ച് വിവിധ കേന്ദ്രങ്ങളിൽ സഞ്ചരിക്കും. നഗര ഗ്രാമ വ്യത്യാസമില്ലാതെ വൻ തൊഴിൽ സാധ്യതകളാണ് ഇത് തുറന്നിടുന്നത്.

 

ജല ഗതാഗതം: ജനങ്ങളുടെ ആശങ്ക അകറ്റണം

കേരളത്തിന്റെ ഗതാഗത മേഖലയിലും ടൂറിസം രംഗത്തും പുതിയൊരധ്യായം കുറിച്ചുകൊണ്ട് ദേശീയ ജലപാതയുടെ ആദ്യഘട്ടമായ 520 കിലോമീറ്റർ മുഖ്യമന്ത്രി പിണറായി വിജയൻ കഴിഞ്ഞ ആഴ്ച നാടിന് സമർപ്പിച്ചിരുന്നു. എറണാകുളം തിരുവനന്തപുരം ആദ്യ റീച്ചാണ് ഗതാഗതത്തിന് തുറന്ന് കൊടുത്തത്. ഈ ഭാഗത്തെ നിർമാണത്തിൽ വലിയ തർക്കം ഉണ്ടായിട്ടില്ല. എന്നാൽ ബേക്കൽ മുതൽ വടകര വരെയുള്ള നിർമാണത്തിൽ പ്രദേശവാസികൾക്ക് വലിയ ആശങ്കയാണ് ഉണള്ളത്.
വടക്ക് ബേക്കൽ മുതൽ തെക്ക് കോവളം വരെ ജലഗതാഗത സൗകര്യം ഒരുക്കുന്നതിലൂടെ താരമത്യേന ചെലവും മലിനീകരണവും കുറഞ്ഞ യാത്രാ സംവിധാനങ്ങളാണ് കേരളത്തിൽ യാഥാർത്ഥ്യമാവുന്നത്. കേരളത്തിന്റെ തീരപ്രദേശത്തിനു സമാന്തരമായി കായലുകളെയും പുഴകളെയും ബന്ധിപ്പിച്ച് നിരവധി കനാലുകൾ നിർമിച്ച് രൂപപ്പെടുത്തിയതാണ് വെസ്റ്റ് കോസ്റ്റ് കനാൽ എന്നറിയപ്പെടുന്ന പശ്ചിമതീര ജലപാത. ഇതിൽ കൊല്ലം മുതൽ കോഴിക്കോട് ജില്ലയിലെ കല്ലായി വരെ 328 കിലോമീറ്റർ ഭാഗം നാഷണൽ വാട്ടർ വേ (എൻഎച്ച്-3) ആണ്. കൊല്ലം മുതൽ കോട്ടപ്പുറം വരെ 168 കിലോമീറ്റർ ഭാഗത്ത് മാത്രമാണ് കേന്ദ്രസർക്കാർ സ്ഥാപനമായ ഐ.ഡബ്‌ള്യു-എ.ഐ പ്രവർത്തനങ്ങൾ നടത്തിയിട്ടുള്ളത്. കോട്ടപ്പുറം മുതൽ കല്ലായി പുഴ വരെയുള്ള 160 കിലോമീറ്റർ ഭാഗത്ത് സംസ്ഥാന സർക്കാരാണ് വികസന പ്രവർത്തനങ്ങൾ നടപ്പാക്കിയത്. മറ്റു ഭാഗങ്ങൾ സ്റ്റേറ്റ് വാട്ടർ വേ ആയി പരിഗണിച്ചു വരുന്നു. കൂടാതെ 1200 കിലോമീറ്റർ ഫീഡർ കനാലുകളും വിവിധ ജില്ലകളിലായി നിലവിലുണ്ട്.
തെക്കൻ ജില്ലകളിലെയും മലബാറിലേയും കനാലുകളും പാലങ്ങളും ഉൾപ്പെടെയുള്ള നിർമിതികൾ ജലഗതാഗതത്തിന് അനുയോജ്യമായി നവീകരിക്കുന്നതിനുള്ള ക്ലാസ്സിഫിക്കേഷൻ നടത്തുകയും മൂന്നു ഘട്ടങ്ങളായി കനാൽ വികസനം നടപ്പിലാക്കാൻ തീരുമാനിക്കുകയും ചെയ്തു. ഒന്നാം ഘട്ടത്തിൽ നിലവിലുളള കനാലുകൾ ലഭ്യമായ വീതിയിൽ ആഴം കൂട്ടി ഗതാഗത യോഗ്യമാക്കി. കയ്യേറ്റങ്ങൾ ഒഴിപ്പിച്ച ഭൂമി ഏറ്റെടുത്ത് കനാലുകളുടെ വീതി വർദ്ധിപ്പിച്ച് ദേശീയ ജലപാതാ നിലവാരത്തിൽ കനാൽ നിർമാണം 2022ൽ അവസാനിക്കുന്ന രണ്ടാം ഘട്ടത്തിൽ നടപ്പിലാക്കും. 2025ൽ അവസാനിക്കുന്ന 3-ാം ഘട്ടത്തിൽ പശ്ചിമതീര കനാലിന്റെയും ഫീഡർ കനാലുകളുടെയും നിർമാണം പൂർത്തീക്കരിക്കുവാൻ കഴിയും.
കനാൽ നിർമിക്കുമ്പോൾ പുനരധിവാസം നടപ്പിലാക്കി സ്ഥലങ്ങൾ ഏറ്റെടുക്കുന്ന പ്രവർത്തനമാണ് സർക്കാർ നടപ്പാക്കിയത്. അങ്ങനെ വർക്കലയിൽ 60 കുടുംബങ്ങളെ 600 ലക്ഷം രൂപ ചെലവിൽ പുനർഗേഹം പദ്ധതി വഴി പുനരധിവസിപ്പിച്ചിട്ടുണ്ട്. മറ്റു സ്ഥലങ്ങളിലും ലൈഫ് മിഷൻ ഉൾപ്പെടെയുള്ള പുനരധിവാസ പ്രവർത്തനം നടപ്പാക്കാനാണ് സർക്കാർ ഉദ്ദേശിക്കുന്നതെന്ന് വ്യക്തമാക്കിയിട്ടുണ്ട്.
കണ്ണൂർ ജില്ലയിൽ നിരവധി മേഖലകളിൽ ജനങ്ങൾ ആശങ്കയിലാണ്. പുനരധിവസിപ്പിക്കപ്പെടുന്നവരെ ഉയർന്ന പാക്കേജിൽ സംരക്ഷിക്കുമെന്ന് ഉറപ്പ് നൽകാൻ അധികൃതർക്ക് സാധിക്കണം.

 


കോവിഡ് വിരസത മാറ്റാൻ ക്ഷേത്ര മുറ്റത്ത് നൃത്ത ചുവടുകൾ
പുൽപ്പള്ളി
കോവിഡ് കാലത്തെ വിരസത മാറ്റാനും മാനസിക സമ്മർദങ്ങളെ മറികടക്കാനും നൃത്തപരിശീലനത്തിൽ സജീവമായ അധ്യാപികമാരും വിദ്യാർഥിനികളും ക്ഷേത്രമുറ്റത്ത് അവതരിപ്പിച്ച നൃത്തം സമൂഹമാധ്യമങ്ങളിൽ വൈറൽ.
ചിലങ്ക നാട്യകലാ കേന്ദ്രത്തിന്റെ ഉടമയായ കലാമണ്ഡലം റെസി ഷാജിദാസിന്റെ ശിക്ഷണത്തിലാണ് അധ്യാപികമാരായ സൗമ്യ ജയരാജ്, ആശ, ജോർല എന്നിവരും ഡിഗ്രി വിദ്യാർഥിനികളായ റിഷിപ്രഭ, നിയ, ബിടെകിന് പഠിക്കുന്ന അശ്വതി എന്നിവർ പുൽപ്പള്ളി സീതാദേവി ലവകുശ ക്ഷേത്രാങ്കണത്തിൽ ചുവടുവച്ചത്. നവരാത്രി മഹോത്സവ കാലമായതിനാൽ സരസ്വതി സ്തുതിക്കാണ് ആറുപേരും ചേർന്ന് മനോഹരമായ നൃത്തം ചവിട്ടിയത്.
പനമരം ഗവ. ടിടിഐയിലെ അധ്യാപികയായ സൗമ്യ ജയരാജും, കാപ്പിസെറ്റ് ഗവ. സ്‌കൂളിലെ അധ്യാപികയായ ആശയും ആറുവർഷമായി റെസി ഷാജിദാസിന്റെ ശിക്ഷണത്തിൽ നൃത്തം അഭ്യസിച്ചുവരികയാണ്. നീർവാരം സ്‌കൂളിലെ പ്രീ പ്രൈമറി അധ്യാപികയായ ജോർല അടുത്തകാലത്താണ് നൃത്തം പഠിക്കാൻ ആരംഭിച്ചത്.
കോഴിക്കോട് ഫാറൂഖ് കോളേജിൽ ബിരുദവിദ്യാർഥിയായ റിഷിപ്രഭയും പഴശിരാജാ കോളേജിലെ ഡിഗ്രി വിദ്യാർഥിനിയായ നിയയും ചെറുപ്പം മുതൽതന്നെ നൃത്തം പഠിക്കുന്നവരാണ്. ബിടെകിന് പഠിക്കുന്ന അശ്വതിയും സ്‌കൂൾകാലം മുതൽ നൃത്തത്തിൽ സജീവമായിരുന്നു.
കോവിഡിനെ തുടർന്ന് വേദികൾ നിശ്ചലമായതോടെ മനസ്സുനിറയെ നൃത്തമായിരുന്നുവെങ്കിലും ചുവടുകൾ വയ്ക്കാനാവാത്തതിന്റെ വിഷമം ഇപ്പോഴാണ് മാറിയതെന്ന് വിദ്യാർഥിനികളും പറയുന്നു. ഒരുമാസമെടുത്താണ് ഇപ്പോൾ അവതരിപ്പിച്ച നൃത്തം പഠിച്ചെടുത്തത്.

 

ഉണരുന്ന കാർഷിക മേഖല
നമ്മുടെ നാടിന്റെ പഴയ കാല ക്ഷേമൈശ്വരങ്ങളുടെ ആധാരശില കാർഷിക മേഖലയുടെ അഭിവൃദ്ധി തന്നെയായിരുന്നു. നമ്മുടെ കാർഷികോൽപ്പന്നങ്ങളുടെ പെരുമയിലായിരുന്നു വിദേശ വ്യാപാര ബന്ധങ്ങൾ തഴച്ചുവളർന്നത്. ആ കാർഷിക സംസ്‌കൃതിയിൽ നിന്നെല്ലാം വഴിമാറിയ സംസ്ഥാനം ഒരു കൺസ്യൂമർ സ്റ്റേറ്റ് എന്ന നിലയിൽ ചുവടുറപ്പിച്ചു. അടുക്കളത്തോട്ടങ്ങളും പുരയിട കൃഷിയുമൊക്കെ അന്യംനിന്നപ്പോൾ കൃഷിയിടങ്ങളും കൃഷിയും തരിശിടങ്ങൾക്ക് വഴി മാറി. ഇപ്പോൾ ഈ ലോക് ഡൌണിന്റെ ദുരിത കാലത്ത് മറ്റിടങ്ങളിൽ നിന്നും കാർഷികോൽപ്പന്നങ്ങളുടെ ഒഴുക്ക് കുറഞ്ഞതോടെ സ്വന്തം നാടിന്റെ കാർഷിക സാധ്യതകളിലേക്ക് നമ്മുടെ നാടിന്റെയാകെ ശ്രദ്ധ ചെന്നെത്തുകയാണ്.
തരിശ് ഭൂമികളെല്ലാം കൃഷി ഭൂമിയാക്കുക എന്ന വലിയ സ്വപ്നമാണ് നമ്മുടെ സർക്കാർ മുന്നോട്ട് വെച്ചത്.' സുഭിക്ഷ' എന്ന പേരിൽ 3860 കോടി രൂപയുടെ പദ്ധതികളാണ് കൃഷി, മൃഗസംരക്ഷണം, ക്ഷീരവികസനം, മത്സ്യബന്ധനം എന്നീ മേഖലകളിലായി നടപ്പിലാക്കിയത്. വിപുലമായ പ്രവർത്തനം വഴി കാർഷിക കാർഷികാനുബന്ധ മേഖലകളിൽ വരുമാനം ഉയർത്തുകയും ഭക്ഷ്യ സുരക്ഷ ഉറപ്പാക്കുകയുമാണ് കർമ്മ പദ്ധതികളിലൂടെ ലക്ഷ്യമിട്ടത്. വളരെ ആവേശപൂർവ്വമാണ് ജനങ്ങളാകെ ഈ പദ്ധതികളിൽ അണിനിരന്നത്. ഉൽപ്പാദനവും ഉൽപ്പാദന ക്ഷമതയും മികച്ച രീതിയിൽ വർദ്ധിപ്പിക്കുന്നതിനും സാധിച്ചുവെങ്കിലും ഭക്ഷ്യ സുരക്ഷ സ്ഥായിയായി ഉറപ്പു വരുത്താൻ പദ്ധതിയുടെ തുടർച്ച അനിവാര്യമാണ്.
കാർഷിക മേഖലയുടെ തളർച്ചയുടെ പ്രധാനപ്പെട്ട പ്രത്യാഘാതം ഭക്ഷ്യ പരാശ്രയത്വമാണ്. മിക്ക കാർഷിക വസ്തുക്കളും കേരളത്തിന് പുറത്താണ് ഉൽപ്പാദിപ്പിക്കപ്പെടുന്നത്. നമുക്ക് വേണ്ട ഭക്ഷണത്തിന്റെ
നല്ലപങ്കും ഉൽപ്പാദിപ്പിക്കുവാനുള്ള സാഹചര്യങ്ങൾ നിലവിലുള്ളപ്പോഴാണ് ഈ സ്ഥിതിവിശേഷം നിലനിൽക്കുന്നതെന്നോർക്കണം. നമ്മുടെയൊക്കെ ഇഷ്ടാഹാരമായ അരി കഷ്ടിച്ചു രണ്ടു മാസക്കാലത്തേക്ക് ആവശ്യമായത് മാത്രമേ നാം ഇവിടെ ഉൽപ്പാദിപ്പിക്കുന്നുള്ളൂ. പച്ചക്കറികളാവട്ടെ ആവശ്യത്തിന്റെ പകുതി മാത്രവും. പയർ വർഗ്ഗങ്ങളുടെ കാര്യമാണെങ്കിൽ രണ്ടു ശതമാനത്തിന് താഴെയും. ഇതെല്ലാം നമ്മുടെ പരാശ്രയത്തിന്റെ ഉദാഹരണങ്ങൾ മാത്രം. എന്നാൽ കഴിഞ്ഞ നാല് - അഞ്ച് വർഷക്കാലത്തെ കണക്കുകളെടുത്ത് പരിശോധിച്ചാൽ മുമ്പെങ്ങുമില്ലാത്ത വിധം പച്ചക്കറികളുടേയും പയർ വർഗ്ഗങ്ങളുടേയും, ധാന്യ വർഗ്ഗങ്ങളുടേയും കാര്യത്തിൽ ആശാവഹമായ മുന്നേറ്റം ഉണ്ടാക്കുവാൻ സാധിച്ചതായി കാണാം.
കേരളത്തിന്റെ സമഗ്ര വികസനം കാർഷിക മേഖലയെ ഒഴിച്ചു നിർത്തി ചിന്തിക്കാനാവില്ലെന്ന് ഇന്നെല്ലാവരും തിരിച്ചറിയുന്നുണ്ട്. വർദ്ധിച്ചു വരുന്ന ഉൽപ്പാദനച്ചെലവ് കാർഷിക മേഖലയിൽ നിലയുറപ്പിക്കുന്നതിന് വലിയ പ്രതിസന്ധികൾ സൃഷ്ടിക്കുന്നുണ്ട്. പരിസ്ഥിതി സൗഹൃദ കൃഷിരീതികൾ അവലംബിച്ചാലേ കാർഷികോൽപ്പാദനം സുസ്ഥിരമായി നിലനിൽക്കൂ. മണ്ണിന്റേയും പരിസ്ഥിതിയുടേയും സഹജമായ ഗുണങ്ങൾ നിലനിർത്തുകയും ഉൽപ്പാദനത്തിനുസൃതമായി വർദ്ധിപ്പിക്കുകയും വേണം.
സംസ്ഥാനത്തെ വയലേലകളിലെ തരിശ്ശിടലിന് കുറവ് വന്നിട്ടുണ്ടെങ്കിലും വലിയൊരു ഭാഗം പാടശേഖരങ്ങൾ പലവിധ കാരണങ്ങളാലും ഇന്നും തരിശായി കിടക്കുന്നുണ്ട്. ഇതിനുള്ള കാരണങ്ങൾ പ്രാദേശികമായി കണ്ടെത്തി പ്രശ്‌നങ്ങൾ പരിഹരിച്ച് കൃഷിയോഗ്യമാക്കാനാവണം. നെൽകൃഷിക്ക് ശേഷം തരിശിടുന്ന വയലേലകളിൽ പച്ചക്കറികളും , പയർ വർഗ്ഗങ്ങളും ചെറു ധാന്യങ്ങളും കൃഷി ചെയ്യാനുളള സാഹചര്യമൊരുക്കണം.
സംസ്ഥാനത്തിലെ ലക്ഷക്കണത്തിനുള്ള പുരയിടങ്ങളെയാകെ പോഷകത്തോട്ടങ്ങളാക്കി മാറ്റാനാവണം. മിക്ക പുരയിടങ്ങളിലേയും പ്രത്യേകിച്ചും തെങ്ങു മാത്രമുള്ള കൃഷിയിടങ്ങളിലെ മണ്ണും സൂര്യപ്രകാശവും അറപതു ശതമാനത്തിലേറെ പാഴായിപ്പോകുകയാണ്. നഷ്ടപ്പെടുന്ന ഈ പ്രകൃതിവിഭവങ്ങളെ പരമാവധി പ്രയോജനപ്പെടുത്തി അനുയോജ്യമായ ഇടവിളകളും മിത്ര വിളകളുമെല്ലാമായി ഓരോ പുരയിടങ്ങളേയും വിഭവ സ്രോതസ്സുകളായി മാറ്റാനാവണം. കുടുംബത്തിലെ മുഴുവൻ അംഗങ്ങളുടേയും അതിജീവനത്തിന് അവശ്യം വേണ്ടുന്ന വിഭവങ്ങൾ ലഭ്യമാക്കുക എന്നതോടൊപ്പം കുടുംബാംഗങ്ങളുടെ ഭക്ഷ്യ പോഷക സുരക്ഷ ഉറപ്പാക്കുവാനുമാകണം. ഇതോടൊപ്പം ഓരോ പുരയിടങ്ങളിലേയും ജൈവ വൈവിധ്യം പരമാവധി നിലനിർത്തുക എന്ന മഹത്തായ ലക്ഷ്യം കൂടി സാധിതമാകുന്നു.

ഭക്ഷ്യവിഭവങ്ങളിലെ ഏറ്റവും പ്രധാന ഘടകമായ ഇലക്കറികൾ ഓരോ കുടുംബത്തിനും ആവശ്യമായത് അതത് പുരയിടങ്ങളിൽ തന്നെ ഉൽപ്പാദിപ്പിക്കണം. ഇവ പോഷക പ്രധാനങ്ങളായ ഭക്ഷ്യ വസ്തു മാത്രമല്ല, നമ്മുടെ ശരീരത്തിനാവശ്യമുളള പ്രതിരോധ ശക്തിയും നൽകുന്നു. ഇപ്പോൾ ആരോഗ്യ ശാസ്ത്രം നിർദ്ദേശിക്കുന്നത് ഇലക്കറികൾ പരമാവധി നമ്മുടെ ദൈനം ദിന ഭക്ഷണത്തിൽ ഉൾപ്പെടുത്തണമെന്നാണ്. ടെറസ് കൃഷിയും മുറ്റത്തെ ചട്ടികളിലെ കൃഷിയുലുമെല്ലാം ഇത്തരം ചെടികൾ നന്നായി വളരും. കൂടാതെ മൈക്രോ ഗ്രീൻ രീതിയിലും നമുക്ക് ഇലക്കറി വിളകൾ ഉൽപ്പാദിപ്പിച്ച് ഭക്ഷണത്തിൽ ഉൾപ്പെടുത്താനാവും.
പശുപരിപാലനം, ആട് വളർത്തൽ, കോഴി വളർത്തൽ , മത്സ്യ കൃഷി എന്നിവയും സാദ്ധ്യമായ ഇടങ്ങളിൽ പുരയിട കൃഷിയുമായി ചേർത്ത് വെച്ച് ആദായകരമായി നടത്താനാവണം. ഭൂപരിഷ്‌ക്കരണം സൃഷ്ടിച്ച സാമൂഹ്യമാറ്റത്തിന് പിന്നാലെ ചെറിയ കൃഷിയിടങ്ങളെ കേന്ദ്രീകരിച്ചുള്ള ഉൽപ്പാദന വിപ്ലവത്തിന് അനുകൂലമായ കളമൊരുക്കണം.ചെറുകിട കൃഷിയിടങ്ങളിൽ ഉൽപ്പാദനവും വരുമാനവും ഉറപ്പാക്കുന്ന തരത്തിലുള്ള ഫലപ്രദമായ ഇടപെടലുകളാണാവശ്യം.
ഒരു വിളയിൽ നിന്നും പരമാവധി ലാഭം എന്ന സങ്കൽപ്പത്തേക്കാൾ വിവിധ വിളകളിലൂടെയും സംരംഭങ്ങളിലൂടെയും സ്ഥായിയായ വരുമാനം എന്ന സമീപനത്തിന് ഊന്നൽ നൽകണം. ജൈവ വൈവിധ്യ സംരക്ഷണത്തോടൊപ്പം ഉൽപ്പന്നത്തിന്റെ മൂല്യവർധനവിലൂടെ വരുമാനം വർദ്ധിപ്പിക്കുന്നതും പരിസ്ഥിതിയും സുരക്ഷയും സാമൂഹ്യ സുരക്ഷയും ഉറപ്പാക്കുന്നതുമാകണം കൃഷിരീതികളെല്ലാം. പരമ്പരാഗതമായ കാർഷിക സങ്കേതങ്ങളിൽ മാത്രം നിലയുറപ്പിക്കാതെ പുതിയ സാദ്ധ്യതകളെയെല്ലാം ഉൾക്കൊള്ളാനാവണം.
സസ്യവളർച്ചക്കാവശ്യമായ പോഷകങ്ങളും ജലവുമൊക്കെ ആവശ്യാനുസരണം ലഭ്യമാക്കുന്ന കൃത്യതാ കൃഷി അഥവാ പ്രസിഷ്യൻ ഫാമിങ്ങ്, കൃഷിക്ക് വേണ്ട ഘടകങ്ങൾ ശാസ്ത്രീയമായി ക്രമീകരിക്കാവുന്ന പോളി ഹൗസുകളിൽ നടത്തുന്ന സംരക്ഷിത കൃഷി, കാലാവസ്ഥാ ഭേദമന്യേ എല്ലാ കാലത്തും കൃഷി ചെയ്യാവുന്ന മഴ മറ കൃഷി, വിവിധ നിലകളിലാക്കി കാർഷികോൽപ്പാദനം നടത്തുന്ന ഹൈടെക്ക് വെർട്ടിക്കൽ ഫാമിങ്ങ്, അക്വാപോണിക്‌സ്, ഹൈഡ്രോപോണിക്‌സ്, എയ്‌റോപോണിക്‌സ് തുടങ്ങിയ മണ്ണില്ലാ കൃഷിരീതികൾ എന്നിവക്കെല്ലാം ഇന്ന് ഏറെ സ്വീകാര്യത വർദ്ധിച്ചു വരികയാണ്.
ചെറുകിട കർഷകരേയും, കർഷക തൊഴിലാളി കളേയും നൂതന കാർഷിക സാങ്കേതിക വിദ്യകളിൽ വൈദഗ്ദ്ധ്യമുള്ളവരാക്കേണ്ടതുണ്ട്. ആധുനിക കാർഷിക സങ്കേതങ്ങളിൽ അറിവ് പകർന്ന് അതിലൂടെ അവർക്ക് ഉയർന്ന വരുമാനവും സാമ്പത്തിക സുരക്ഷയും ഉറപ്പു വരുത്താനാകണം. ജീവാണുവള നിർമ്മാണം, ഹൈടെക്ക് രീതിയിലുള്ള നടീൽ വസ്തുക്കളുടെ ഉൽപ്പാദനം, വിവിധതരം കം ബോസ്റ്റ് നിർമ്മാണം, ജൈവ സസ്യസംരക്ഷണ മരുന്നുകളുടെ നിർമ്മാണം, അക്വേറിയം, ഫിഷ് ബ്ലീഡിങ്ങ് തുടങ്ങിയ വിവിധ സംരംഭങ്ങൾ വഴി തൊഴിലവസരങ്ങൾ സൃഷ്ടിക്കണം.
കൃഷിയിൽ ഉൽപ്പാദന ക്ഷമത വർദ്ധിപ്പിക്കുന്നതോടൊപ്പം ഉൽപ്പാദനാന്തര വരുമാനം വർധിപ്പിക്കുവാനുളള ഇടപെടലുകൾക്കും മുന്തിയ പരിഗണന നൽകണം. ഉൽപ്പന്ന സംസ്‌ക്കരണവും മൂല്യവർദ്ധനയും വൈവിധ്യവൽക്കരണവും വിപണനവും ഉൾപ്പെടുന്ന പ്രവർത്തനങ്ങളെയെല്ലാം പ്രോത്സാഹിപ്പിക്കണം.
കൃഷി, മൃഗപരിപാലനം, മത്സ്യോൽപ്പാദനം, മാംസം, മുട്ട ഉൽപ്പാദനം തുടങ്ങിയ മേഖലകളിൽ അർത്ഥപൂർണ്ണവും പ്രായോഗികവുമായ പാരസ്പര്യങ്ങൾ ഉണ്ടാവണം.

 

ഉത്തരേന്ത്യൻ രാഷ്ട്രീയം തല വര മാറുമോ

മൂന്ന് കാർഷിക നിയമങ്ങൾ പിൻവലിക്കണമെന്ന് ആവശ്യപ്പെട്ട് കർഷകർ ആരംഭിച്ച സമരം ഒമ്പതു മാസം പിന്നിടുന്ന വേളയിലാണ് 40 കർഷക സംഘടന ഉൾകൊള്ളുന്ന സംയുക്ത കിസാൻ മോർച്ചയുടെ നേതൃത്വത്തിൽ നടക്കുന്ന മഹാസമ്മേളനം ഉത്തരന്ത്യന് രാഷ്ട്രീയത്തിലെ തലവര മാറ്റുമെന്നാണ് രാഷ്ട്രീയ നിരീക്ഷകർ പറയുന്നത്. സമകാലീന രാഷ്ട്രീയ കാലാവസ്ഥയെ മാറ്റിമറിക്കുന്ന മുദ്രാവാക്യങ്ങളും പ്രസംഗങ്ങളുമാണ് കിസാൻ മഹാപഞ്ചായത്തിൽ ഉയർന്നത്. അടുത്തവർഷം ആദ്യം ഉത്തർപ്രദേശ്-ഉത്തരാഖണ്ഡ് സംസ്ഥാനങ്ങളിൽ നിയമസഭാ തെരഞ്ഞെടുപ്പ് നടക്കുന്ന സാഹചര്യത്തിൽ ഇതിന് ഏറെ പ്രാധാന്യമുണ്ട്.
കിസാൻ മഹാപഞ്ചായത്തിലെ വൻ ജനപങ്കാളിത്തം കേന്ദ്ര-സംസ്ഥാന ഭരണം നിയന്ത്രിക്കുന്ന ബിജെപിയുടെ കണ്ണുതുറപ്പിക്കുന്നതായിരുന്നു. ലക്ഷക്കണക്കിനു കർഷകരാണ് വിവിധ സംസ്ഥാനത്തുനിന്നായി മഹാപഞ്ചായത്തിൽ പങ്കെടുത്തത്. 10 ലക്ഷത്തോളംപേർ പങ്കെടുത്തുവെന്നാണ് കണക്ക
കാർഷിക ഉൽപ്പന്നങ്ങൾക്ക് നിയമപരമായി താങ്ങുവില ഉറപ്പുവരുത്താത്തപക്ഷം ബിജെപിക്ക്‌വോട്ട് ചെയ്യില്ലെന്ന സന്ദേശമാണ് കർഷകർ നൽകിയത്. ബിജെപി നേതാക്കളെ ബഹിഷ്‌കരിക്കാനും തീരുമാനമായി. 135 സീറ്റുള്ള പടിഞ്ഞാറൻ യുപിയിൽ തട്ടുകിട്ടിയാൽ ബിജെപിക്ക് സംസ്ഥാനത്ത് അധികാരത്തിൽ വരിക വിഷമകരമായിരിക്കും. എതായാലും കർഷകർ പ്രഖ്യാപിച്ച മിഷൻ യുപി-ഉത്തരാഖണ്ഡ് ബിജെപി നേതാക്കളുടെ ഉറക്കംകെടുത്തും.്
ബിജെപിയുടെ വർഗീയവിഭജന അജൻഡയ്ക്കെതിരെ മതനിരപേക്ഷതയുടെ രാഷ്ട്രീയം ഉയർത്തിപ്പിടിച്ചുവെന്നതാണ് കിസാൻ പഞ്ചായത്തിന്റെ മറ്റൊരു മേന്മ. 2013ൽ വർഗീയകലാപം നടന്ന മണ്ണാണ് മുസഫർനഗറിന്റേത്. ഹിന്ദുക്കളും (ജാട്ട്) മുസ്ലിങ്ങളും തമ്മിൽ നടന്ന വർഗീയലഹളയിൽ 80 പേർ കൊല്ലപ്പെട്ടു. അരലക്ഷംപേർ അഭയാർഥികളാക്കപ്പെട്ടു. നിരവധി സ്ത്രീകൾ ബലാത്സംഗത്തിനിരായി. ഈ വർഗീയകലാപം സൃഷ്ടിച്ച വർഗീയധ്രുവീകരണമാണ് 2014ലെയും 2019ലെയും ലോക്സഭാ തെരഞ്ഞെടുപ്പിലും 2017ലെ യുപി നിയമസഭാ തെരഞ്ഞെടുപ്പിലും ബിജെപിക്ക് വൻവിജയം നേടിക്കൊടുത്തത്. എന്നാൽ, ബിജെപി സൃഷ്ടിച്ച ഈ വർഗീയവിഭജന അജൻഡയ്ക്കുപകരം ഹിന്ദു-മുസ്ലിം ഐക്യത്തിനായുള്ള കാഹളമാണ് കിസാൻ പഞ്ചായത്തിൽ ഉയർന്നത്. മുസ്ലിങ്ങൾ വർധിച്ചതോതിൽ പങ്കെടുത്തെന്ന് മാത്രമല്ല, ഹിന്ദു-സിഖ് കർഷകർക്ക് അവർ ഭക്ഷണം നൽകുകയും വിശ്രമിക്കാനായി മസ്ജിദുകൾ തുറന്നുനൽകുകയും ചെയ്തു.
കർഷകർ തൊഴിലാളികളുടെ ആവശ്യങ്ങളും തൊഴിലാളികൾ കർഷകരുടെ ആവശ്യങ്ങളും പരസ്പരം ഉയർത്തുകയാണ്. കാർഷികനിയമങ്ങൾ പിൻവലിക്കണമെന്ന ആവശ്യത്തോടൊപ്പം ലേബർ കോഡ്, വൈദ്യുതി ഭേദഗതി ബിൽ എന്നിവ പിൻവലിക്കണമെന്നും തൊഴിലുറപ്പുതൊഴിലാളികളുടെ കൂലി വർധിപ്പിക്കണമെന്നും വനാവകാശനിയമം നടപ്പാക്കണമെന്നും പെട്രോൾ- ഡീസൽ വിലവർധന പിൻവലിക്കണമെന്നും ആവശ്യപ്പെടുകയുണ്ടായി.

*സെമിഹൈസ്പീഡ് റെയിൽ: ആശങ്കകൾ വേണ്ട - മുഖ്യമന്ത്രി*
............................
 
സെമിഹൈസ്പീഡ് റെയിൽ പദ്ധതി സംബന്ധിച്ച് ആശങ്കകൾ വേണ്ടതില്ലെന്ന്  മുഖ്യമന്ത്രി പിണറായി വിജയൻ നിയമസഭയിൽ പറഞ്ഞു.  എം.കെ. മുനീറിന്റെ  അടിയന്തരപ്രമേയത്തിന്  മറുപടി പറയുകയായിരുന്നു മുഖ്യമന്ത്രി.
 
നമ്മുടെ സംസ്ഥാനത്ത് റോഡുകളിലുണ്ടാകുന്ന ഗതാഗതക്കുരുക്കും റോഡപകടങ്ങളും പൊതുവില്‍ ആളുകളില്‍ വലിയ ആശങ്കയാണുണ്ടാക്കുന്നത്. ഇതിനോടൊപ്പം തിരക്കേറിയ റോഡിലുണ്ടാകുന്ന അന്തരീക്ഷ മലിനീകരണവും വലിയൊരു പ്രശ്‌നമാണ്. നമ്മുടെ നാട്ടിലെ റെയില്‍ വികസനം വളരെ മന്ദഗതിയിലാണ്.
 
സംസ്ഥാനത്തിന്റെ ഒരറ്റം മുതല്‍ മറ്റേ അറ്റം വരെ യാത്ര ചെയ്യാന്‍ 16 മണിക്കൂര്‍ വരെ എടുക്കുന്ന അവസ്ഥയാണുള്ളത്. ഇത് മാറേണ്ടതുണ്ട്. അതിനുള്ള ഏറ്റവും വലിയ പരിഹാരമാര്‍ഗ്ഗമാണ് അര്‍ദ്ധ അതിവേഗ റെയില്‍. തിരുവനന്തപുരം മുതല്‍ കാസര്‍ഗോഡു വരെ 4 മണിക്കൂറില്‍ യാത്ര ചെയ്യാന്‍ സൗകര്യമൊരുക്കുന്ന ഒരു പദ്ധതിയാണിത്. ഇത് യാഥാര്‍ത്ഥ്യമാകുന്നതോടെ നമ്മുടെ സംസ്ഥാനത്തിന്റെ പശ്ചാത്തലസൗകര്യ മേഖലയില്‍ വലിയ മാറ്റങ്ങളാണ് ഉണ്ടാവുക എന്നതില്‍ ഒരു തര്‍ക്കവുമില്ല.  
 
ഓരോ സംസ്ഥാനങ്ങളുടെയും ആവശ്യത്തിനനുസരിച്ച് റെയില്‍വേ പദ്ധതികള്‍ ആസൂത്രണം ചെയ്യുവാനും അത് നടപ്പിലാക്കുവാനും സംസ്ഥാന സര്‍ക്കാരിന്റെയും കേന്ദ്രസര്‍ക്കാരിന്റെയും സംയുക്ത സംരംഭങ്ങള്‍ ആരംഭിച്ചത് ഇതിനുവേണ്ടിയാണ്. നമ്മുടേതുള്‍പ്പെടെ എട്ട് സംസ്ഥാനങ്ങള്‍ ഇത്തരം സംരംഭങ്ങള്‍ രൂപീകരിച്ചിട്ടുണ്ട്.
 
2017 ജനുവരിയില്‍ 49 ശതമാനം ഓഹരി റെയില്‍വേയും 51 ശതമാനം സംസ്ഥാന സര്‍ക്കാരും എന്ന നിലയില്‍ 100 കോടി രൂപ ഇതിനായി വകയിരുത്തി. കേരള റെയില്‍ ഡെവലപ്പ്‌മെന്റ് കോര്‍പ്പറേഷന്‍ (കെ -റെയില്‍) എന്ന സംയുക്തസംരംഭം രൂപീകരിച്ചു.
 
പദ്ധതിയുമായി ബന്ധപ്പെട്ട് നിര്‍ദ്ദിഷ്ട റെയില്‍വേ ലൈന്‍ കടന്നുപോകുന്ന മണ്ഡലങ്ങളിലെ ബഹു. സാമാജികരുടെ മുമ്പാകെ പദ്ധതിയുടെ വിശാദംശങ്ങള്‍ സര്‍ക്കാര്‍ വിശദീകരിച്ചിട്ടുണ്ട്.  
 
ഇക്കാര്യത്തില്‍ സുതാര്യമായ സമീപനമാണ് സര്‍ക്കാരിനുള്ളത്. ഭൂമി ഏറ്റെടുക്കാനുള്ള സര്‍വ്വേ നടത്തുന്നതിനായി ഏറ്റവും ആധുനിക സാങ്കേതികവിദ്യയായ ലിഡാര്‍ എന്ന റിമോട്ട് സെന്‍സിംഗ് സംവിധാനമാണ് പ്രയോജനപ്പെടുത്തുന്നത്. ഇത് സര്‍വ്വേക്കായുള്ള സമയം വളരെയേറെ ലാഭിക്കാന്‍ ഇടയാക്കുകയാണ്. ഭൂമിയുടെ പ്രതലത്തില്‍ നിന്നും വളരെയേറെ കൃത്യതയോടെ വിവരങ്ങള്‍ ശേഖരിക്കുന്ന സാങ്കേതികവിദ്യയാണിത്.
 
ഭൂമി ഏറ്റെടുക്കലിന് നിലവിലുള്ള എല്ലാ നിയമങ്ങളും ചട്ടങ്ങളും മാര്‍ഗ്ഗനിര്‍ദ്ദേശങ്ങളും പാലിക്കുന്നതാണ്. അര്‍ഹമായ നഷ്ടപരിഹാരം സമയബന്ധിതമായി നല്‍കുന്നതാണ്. അലൈന്‍മെന്റിന്റെ കാര്യത്തില്‍ പ്രത്യേക ശ്രദ്ധ പുലര്‍ത്തുന്നുണ്ട്.  
 
നിര്‍ദ്ദിഷ്ട പാത കടന്നുപോകുന്ന 11 ജില്ലകളിലെ ആരാധനാലയങ്ങളെയും പാടങ്ങളെയും കാവുകളെയും പരമാവധി ബാധിക്കാത്ത രീതിയിലാണ് പ്രസ്തുത പദ്ധതി വിഭാവനം ചെയ്തിട്ടുള്ളത്. ഈ പദ്ധതി സംസ്ഥാനത്തൊട്ടാകെ വീടുകള്‍ ഉള്‍പ്പെടെ 9,314 കെട്ടിടങ്ങളെ മാത്രമാണ് ബാധിക്കുന്നത് എന്നാണ് കണ്ടെത്തിയിട്ടുള്ളത്.
 
63,941 കോടി രൂപയുടെ ചിലവ് പ്രതീക്ഷിക്കുന്ന പദ്ധതിക്ക് 1,383 ഹെക്ടര്‍ ഭൂമിയാണ് പുനരധിവാസത്തിനുള്‍പ്പെടെ ആവശ്യമായി വരിക. ഇതില്‍ 1,198 ഹെക്ടര്‍ സ്വകാര്യ ഭൂമിയാണ്. സ്ഥലം ഏറ്റെടുക്കുന്നതിനു മാത്രം 13,362.32 കോടി രൂപ ആവശ്യമാണ്.
കിഫ്ബി വഴി 2100 കോടി രൂപ ഭൂമി ഏറ്റെടുക്കലിനായി വകയിരുത്തുന്നുണ്ട്. സ്ഥലം ഏറ്റെടുക്കലുമായി മുന്നോട്ടുപോകാന്‍ കേന്ദ്രസര്‍ക്കാര്‍ സംസ്ഥാന സര്‍ക്കാരിന് അനുമതി നല്‍കിയിട്ടുണ്ട്. റെയില്‍വേ ബോര്‍ഡ് പദ്ധതിക്ക് തത്വത്തില്‍ അംഗീകാരം നല്‍കിയിട്ടുണ്ട്. ഭൂമി ഏറ്റെടുക്കല്‍ നടപടികള്‍ മുന്നോട്ടു നീക്കാന്‍ നടപടികള്‍ സ്വീകരിക്കണമെന്ന് കേന്ദ്ര ധനകാര്യ മന്ത്രി 2021 ജനുവരി 15 ന് നല്‍കിയ കത്തില്‍ ആവശ്യപ്പെട്ടിട്ടുണ്ട്.
 
പദ്ധതിയുടെ നടത്തിപ്പിനായി അന്താരാഷ്ട്ര സാമ്പത്തികസ്ഥാപനങ്ങളായ ജയ്ക്ക ഉള്‍പ്പെടെ സാമ്പത്തികസഹായം നല്‍കാന്‍ മുന്നോട്ടു വന്നിട്ടുണ്ട്. എ.ഐ.ഐ.ബി, കെ.എഫ്.ഡബ്ല്യൂ, എ.ഡി.ബി. എന്നീ ധനകാര്യസ്ഥാപനങ്ങളുമായി ചര്‍ച്ചകള്‍ പൂര്‍ത്തിയാക്കിയിട്ടുണ്ട്. പദ്ധതിക്കായി ഇത്തരം സാമ്പത്തിക സ്രോതസ്സുകള്‍ കണ്ടെത്തുന്നതിന് നിതി ആയോഗും കേന്ദ്ര ധനമന്ത്രാലയവും റെയില്‍വേ മന്ത്രാലയവും ഇതിന് അംഗീകാരം നല്‍കിയിട്ടുണ്ട്.
 
പദ്ധതി സംസ്ഥാനത്തിന്റെ സാമ്പത്തികസ്ഥിതിയെ തകര്‍ക്കുമെന്ന് പറയുന്നത് അടിസ്ഥാനരഹിതമാണ്. പശ്ചാത്തല സൗകര്യ വികസനപദ്ധതികള്‍ക്കായി കടമെടുക്കാത്ത ഒരു സര്‍ക്കാരും ലോകത്ത് എവിടെയും ഇല്ല. പശ്ചാത്തലസൗകര്യ വികസനം സാമ്പത്തിക വളര്‍ച്ചയെ ഉത്തേജിപ്പിക്കുന്നതൊടൊപ്പം വരുമാനം വര്‍ദ്ധിപ്പിക്കുന്നതിനും ഉതകുമെന്ന കാര്യം ഏവരും അംഗീകരിക്കുന്നതാണ്. സംസ്ഥാനത്തിനുള്ളിലെ യാത്രാസമയം നാലില്‍ ഒന്നായി ചുരുങ്ങുന്നത്, ബിസിനസ്സ്, സാങ്കേതിക- ടൂറിസം മേഖലകള്‍ എന്നിവ ഉള്‍പ്പെടെയുള്ള സമസ്ത മേഖലകളെയും പരിപോഷിപ്പിക്കുമെന്ന കാര്യത്തില്‍ രണ്ടഭിപ്രായം ഉണ്ടാകില്ല.
ഏറ്റവും സാങ്കേതികമായും സാമ്പത്തികമായും അതിലുപരി സാമൂഹ്യപ്രശ്‌നങ്ങള്‍ക്ക് മുന്‍തൂക്കം നല്‍കിക്കൊണ്ട് ജനസാന്ദ്രത കുറഞ്ഞ പ്രദേശങ്ങളിലൂടെയാണ് ഈ പദ്ധതിക്കുള്ള അലൈന്‍മെന്റ് നിശ്ചയിച്ചിരിക്കുന്നത്. ഒരു ഹെക്ടറിന് ഏകദേശം 9 കോടി രൂപ നഷ്ടപരിഹാരമായി കണക്കാക്കിയിരിക്കുന്നു. മാത്രമല്ല, ജനവാസം കുറഞ്ഞ പ്രദേശങ്ങളിലൂടെയാണ് പാതയുടെ ഭൂരിഭാഗവും കടന്നുപോകുന്നത് എന്ന കാര്യവും വിസ്മരിക്കരുത്.  
 
റെയില്‍വേ പാതയ്ക്ക് സമാന്തരമായി പാത നിര്‍മ്മിക്കാന്‍ കഴിയുന്ന തിരൂര്‍ -കാസര്‍ഗോഡ് റൂട്ടില്‍ പരമാവധി അതിനു സമാന്തരമായാണ് പുതിയ അലൈന്‍മെന്റ് രൂപകല്പന ചെയ്തിട്ടുള്ളത്. ഇത് ജനങ്ങള്‍ക്കുള്ള അസൗകര്യവും പരിസ്ഥിതി ആഘാതവും ഗണ്യമായി കുറയാന്‍ ഇടയാക്കും. തിരുവനന്തപുരം മുതല്‍ തിരൂര്‍ വരെയുള്ള അലൈന്‍മെന്റില്‍ നെല്‍വയല്‍ - തണ്ണീര്‍ത്തട പ്രദേശങ്ങള്‍ പരമാവധി ഒഴിവാക്കി എലിവേറ്റഡ് പാതയാണ് ഉദ്ദേശിക്കുന്നത് 115 കി.മി. പാടശേഖരങ്ങളില്‍ 88 കി.മി. ആകാശപാതയിലൂടെയാണ് കടന്നുപോകുന്നത്. ജലാശയങ്ങളും തണ്ണീര്‍ത്തടങ്ങളും സംരക്ഷിക്കാന്‍ പാലങ്ങളും കല്‍വെര്‍ട്ടുകളും ഇതിനായി നിര്‍മ്മിക്കുന്നതാണ്.
 
പദ്ധതിക്കായുള്ള വിശദമായ പ്രോജക്ട് റിപ്പോര്‍ട്ട് SYSTRA എന്ന ഏജന്‍സിയാണ് തയ്യാറാക്കിയിട്ടുള്ളത്. ഈ പദ്ധതിക്ക് പരിസ്ഥിതി ആഘാത പഠനം അനിവാര്യമല്ല. എന്നിരുന്നാലും  പരിസ്ഥിതി ആഘാത പഠനം സെന്റര്‍ ഫോര്‍ എന്‍വയോന്‍മെന്റ് ആന്റ് ഡവലപ്പ്‌മെന്റ് മുഖേന നടത്തിക്കഴിഞ്ഞു. സര്‍ക്കാര്‍ അതീവജാഗ്രതയാണ് ഇതില്‍ പുലര്‍ത്തുന്നു എന്നതിന്റെ ഉദാഹരണമാണിത്.
 
പദ്ധതി ആരംഭിക്കുന്നതിനു മുമ്പ് ഭൂമി ഏറ്റെടുക്കുന്നതിലൂടെ ആയിരക്കണക്കിന് കുടുംബങ്ങള്‍ ഭവനരഹിതരാകുന്നു എന്നാണ് പ്രമേയാവതാരകന്‍ ഉന്നയിച്ചിട്ടുള്ളത്. മേല്‍പ്പറഞ്ഞതുപോലെ ഭൂമി ഏറ്റെടുക്കല്‍ അര്‍ഹമായ നഷ്ടപരിഹാരം നല്‍കിക്കൊണ്ടാണ് നടപ്പാക്കാന്‍ ഉദ്ദേശിക്കുന്നത്. അതിനാല്‍ തന്നെ ഒരാള്‍പോലും ഇതിനാല്‍ ഭവനരഹിതരാകുന്ന പ്രശ്‌നം ഉദിക്കുന്നില്ല. ഇത്തരം പദ്ധതികള്‍ നിലവില്‍ വരുമ്പോള്‍ തുടക്കത്തില്‍ ഉണ്ടായ പ്രചരണവും ആശങ്കയും മറികടന്നുകൊണ്ട് അവ നടപ്പിലാക്കാന്‍ കഴിഞ്ഞ അനുഭവം നമ്മുടെ മുന്നിലുണ്ട് എന്ന യാഥാര്‍ത്ഥ്യവും കാണാതിരുന്നുകൂടാ.
 
പദ്ധതി സംബന്ധിച്ച് ജനങ്ങള്‍ക്കുണ്ടാകുന്ന ആശങ്കകളും പ്രശ്‌നങ്ങളും ദൂരീകരിക്കുന്നതിനും ജനപ്രതിനിധികളുടെ അഭിപ്രായങ്ങള്‍ കണക്കിലെടുക്കുന്നതിനും സര്‍ക്കാര്‍ നടപടികള്‍ സ്വീകരിച്ചുവരികയാണ്.
 
പ്രശ്‌നങ്ങള്‍ കേള്‍ക്കാനും പരിഹാരങ്ങള്‍ കണ്ടെത്താനും പബ്ലിക് ഹിയറിംഗ് നടത്തുന്നതാണ്. ഇതുകൂടാതെ വിവിധ സാമൂഹിക-സാംസ്‌കാരിക സംഘടനകള്‍ നടത്തുന്ന സെമിനാറുകളിലും കൂടിക്കാഴ്ചകളിലും പ്രസ്തുത വിഷയം അവതരിപ്പിക്കുകയും ജനങ്ങളുടെ ആശങ്കകള്‍ പരിഹരിക്കുന്നതിനുവേണ്ട നടപടികളും സ്വീകരിക്കുന്നതാണ്. ഇതെല്ലാം ഭൂമി ഏറ്റെടുക്കലിന് മുമ്പാണ്. അതിനാല്‍ അനാവശ്യമായ ആശങ്കകള്‍ ജനങ്ങളുടെ ഇടയില്‍ സൃഷ്ടിക്കുന്ന പ്രചരണങ്ങള്‍ നടത്തരുതെന്നാണ് ഈ ഘട്ടത്തില്‍ അഭ്യര്‍ത്ഥിക്കാനുള്ളത്.
 
നാടിന്റെ പൊതുവായ വികസനത്തിന് യോജിച്ചു നില്‍ക്കുന്നതിന് നമുക്ക് കഴിയേണ്ടതുണ്ട്. അതിനു പകരം തെറ്റായ പ്രചരണങ്ങള്‍ നടത്തി പദ്ധതിയെത്തന്നെ അട്ടിമറിക്കാനുള്ള ശ്രമങ്ങള്‍ നാടിന്റെ വികസനത്തെ പിന്നോട്ടു നയിക്കാനേ സഹായിക്കൂ എന്ന കാര്യം ഓര്‍ക്കേണ്ടതുണ്ട്.
 
*മുഖ്യമന്ത്രിയുടെ രണ്ടാം മറുപടി*
..............................
 
*എന്തുകൊണ്ട് സെമി ഹൈ-സ്പീഡ് റെയില്‍*
 
യുഡിഎഫ് ഇത്തരം ഒരു പാത ആലോചിച്ചിരുന്നു എന്നത് വസ്തുതയാണ്. അതായിരുന്നു ഹൈസ്പീഡ് റെയില്‍വെ. എല്‍ഡിഎഫ് സര്‍ക്കാര്‍ ആലോചിക്കുന്നത് സെമി ഹൈ-സ്പീഡ് റെയില്‍വെയാണ്. ഇവിടെ അടിയന്തിര പ്രമേയം അവതരിപ്പിച്ച് ബഹു. എം.കെ. മുനീര്‍ ആ മന്ത്രിസഭയില്‍ അംഗവുമായിരുന്നു. ഹൈ-സ്പീഡ് റെയില്‍വെയായിരുന്നു വന്നിരുന്നുവെങ്കില്‍ അതുണ്ടാക്കുമായിരുന്ന ആഘാതം ഇതിനേക്കാള്‍ എത്രയോ വലുതായിരുന്നു.  എല്ലാ വിശദാശംങ്ങളിലേക്കും കടക്കുന്നില്ല.
സാമ്പത്തിക  കാര്യം മാത്രം എടുക്കാം.  ഹൈ-സ്പീഡ് റെയില്‍വെ ഒരു കി.മി. പണിയണമെങ്കില്‍ 280 കോടി രൂപയാണ് ചെലവ് വരിക. എന്നാല്‍ എല്‍ഡിഎഫ് സര്‍ക്കാര്‍ വിഭാവനം ചെയ്യുന്ന സെമി ഹൈ-സ്പീഡ് റെയില്‍വെയ്ക്ക് 120 കോടി രൂപ മാത്രമാണ്.
 
ഹൈ-സ്പീഡ് റെയില്‍വെയിലെ ടിക്കറ്റ് നിരക്ക് അന്നുതന്നെ കി.മി. 6 രൂപയായിരുന്നു.  എന്നാല്‍ സെമിഹൈ-സ്പീഡ് റെയില്‍വെയില്‍ ടിക്കറ്റ് നിരക്ക് 2 രൂപയാണ്.  കേരളം പോലുള്ള സംസ്ഥാനത്ത് ജനസാന്ദ്രത കൂടുതലുള്ളതിനാല്‍ സ്റ്റോപ്പുകള്‍ കൂടുതല്‍ അനുവദിക്കേണ്ടിവരും.
 
ഹൈസ്പീഡ് റെയില്‍വെ പദ്ധതി കേരളത്തില്‍ പ്രായോഗികമല്ല.  കേരളം പോലുള്ള സംസ്ഥാനത്ത് ഓരോ 50 കിലോ മീറ്ററുകളിലും  സ്റ്റോപ്പുകള്‍ ഉള്ളതിനാല്‍ അര്‍ദ്ധ അതിവേഗത പദ്ധതിയാണ് കേരളത്തില്‍ പ്രായോഗികം.  11 സ്റ്റോപ്പുകളാണ് പദ്ധതിക്കായി വിഭാവനം ചെയ്തത്.  സ്റ്റേഷ നുകള്‍ തമ്മിലുള്ള കുറഞ്ഞ അകലം കാരണം ഹൈസ്പീഡ് ട്രെയിനിന് 300-500 കിലോമീറ്റര്‍  വേഗത കൈവരിച്ചുകൊണ്ട് ഓടാന്‍ കഴിയുന്ന ദൂരം വളരെ പരിമിതമായിരിക്കും.  ഇക്കാരണത്താല്‍ ഇരു ട്രെയിനുകളും തമ്മിലുള്ള വേഗതയില്‍ വലിയ വ്യത്യാസമുണ്ടാകില്ല. ഉദാഹരണം എറണാകുളം മുതല്‍ തിരുവനന്തപുരം വരെ ഹൈ സ്പീഡില്‍ 62 മിനുട്ട് വേണ്ടി വരും.
 
ഇതേ ദൂരം 85 മിനുട്ട് കൊണ് സെമി ഹൈ സ്പീഡ് ട്രെയിന്‍ സഞ്ചരിക്കും. 18 മിനുട്ടിന്റെ വ്യത്യാസമാണ് ഇവിടെ വരുന്നത്. ഇക്കാരണത്താലാണ് ഹൈസ്പീഡ് പദ്ധതി ഉപേക്ഷിച്ച് സില്‍വര്‍ ലൈന്‍ പദ്ധതി നടപ്പാക്കുന്നത്.
 
*നിലവിലുള്ള റെയില്‍വെ ലൈനുകളുടെ വികസനം മാത്രം മതിയാകുമോ?*
 
ഇപ്പോള്‍ നിലവിലുള്ള പാത ഇരട്ടിപ്പിക്കല്‍ പൂര്‍ത്തീയാകുന്നതോടെ ഇതുവഴി ഇപ്പോള്‍ ഓടുന്ന ട്രെയ്‌നുകള്‍ക്ക് കൃത്യസമയം പാലിക്കാന്‍ കഴിയും. ചില പുതിയ ട്രെയിനുകളെയും ഓടിക്കാന്‍ കഴിയുമായിരിക്കം. എന്നാല്‍ കൂടുതല്‍ വേഗതിയില്‍ ട്രെയിനുകള്‍ ഓടിക്കാനുള്ള സാഹചര്യമില്ല.
 
ഇതിന് സമാന്തരമായി പാത ഉണ്ടാക്കിയാല്‍ വളവുകള്‍ തിരിവുകള്‍ കയറ്റിറക്കങ്ങള്‍ തുടങ്ങിയ കൂടുതല്‍ ഉള്ളതിനാല്‍ വേഗത കൂടുതല്‍ എടുക്കാനും സാധ്യമാകില്ല.  
അതുകൊണ്ടുതന്നെ വേഗത ലഭ്യമാകണമെങ്കില്‍ വളവുകളും തിരിരുവളും ഇല്ലാത്ത പാത അനിവാര്യമാണ്. അതുകൊണ്ടാണ് പുതിയ പാതകളെ കുറിച്ച് ആലോചിക്കേണ്ടിവന്നത്. അതേ സമയം സമാന്തരമായി ചെയ്യാന്‍ പറ്റുന്ന ഇടങ്ങളില്‍ അത്തരം ഒരു നടപടി തന്നെ സ്വീകരിച്ചത്.  
 
*ചിലവുകളുടെ സ്ഥിതി എന്ത്?*
 
ഹൈസ്പീഡ് റെയില്‍ പദ്ധതിയേക്കാള്‍ ചെലവ് കുറഞ്ഞതും കേരളത്തിന്റെ സാമ്പത്തിക സ്ഥിതിക്ക് അനുയോജ്യമായതുമായ  സില്‍വര്‍ലൈന്‍ തീര്‍ത്തും പ്രായോഗികമായ പദ്ധതിയാണ്.  വിശദമായ പദ്ധതി റിപ്പോര്‍ട്ട്  അനുസരിച്ച് സില്‍വര്‍ലൈന്‍  സ്ഥാപിക്കാനായി 63,940.67 കോടി രൂപയാണ് ചെലവ്.  
 
ഇതില്‍ 6085 കോടി രൂപ കേന്ദ്ര സംസ്ഥാന  സര്‍ക്കാരുകള്‍  നല്‍കേണ്ട നികുതി ഒഴിവാണ്.  975 കോടി രൂപ റെയില്‍വെ ഭൂമിയുടെ വിലയാണ്.  ഇതിന് പുറമെ 2150 കോടി രൂപയാണ് കേന്ദ്ര റെയില്‍വെ വിഹിതം.  സംസ്ഥാന സര്‍ക്കാര്‍  3225 കോടി രൂപയാണ് വഹിക്കുക. 4,252 കോടി രൂപ പൊതുജന ഓഹരി പങ്കാളിത്തത്തിലൂടെ സമാഹരിക്കും.  അന്താരാഷ്ട്ര ധനകാര്യ സ്ഥാപനങ്ങളില്‍ നിന്ന് 33,700 കോടി രൂപ സമാഹരിക്കാനാണ് ലക്ഷ്യമിടുന്നത്.
 
ഇതിന്റെ അടിസ്ഥാനത്തില്‍  വളരെ ചുരുങ്ങിയ  പലിശയില്‍ വായ്പ തരുന്ന എ.ഡി.ബി., ജൈക്ക, എഐഐബി, കെഎഫ് ഡബ്‌ള്യൂ എന്നിവരെ കേന്ദ്ര ധനകാര്യമന്ത്രാലയം വഴി സമീപിക്കുകയും വിശദ പദ്ധതി റിപ്പോര്‍ട്ട് സമര്‍പ്പിക്കുകയും  ചെയ്തു കഴിഞ്ഞു.  ധനസമാഹരണത്തിനുള്ള ചര്‍ച്ചകള്‍  പുരോഗമിക്കുന്നു.  ഭൂമി ഏറ്റെടുക്കലിന് ആവശ്യമായ  13,362 കോടി രൂപയ്ക്കായി സംസ്ഥാന സര്‍ക്കാര്‍ വിഹിതം  ഹഡ്‌കോ, കിഫ്ബി,  ഇന്ത്യന്‍ റെയില്‍വെ ഫിനാന്‍സ് കോര്‍പ്പറേഷന്‍ തുടങ്ങിയ  സ്ഥാപനങ്ങളുമായി  ചര്‍ച്ചകള്‍  പുരോഗമിച്ചുവരുന്നു.  
 
കൊച്ചുവേളി മുതല്‍ ചെങ്ങന്നൂര്‍ വരെയുള്ള ഭാഗത്ത്  ഒന്നാം ഘട്ട ഭൂമി ഏറ്റെടുക്കലിനായി ഹഡ്‌കോ ഇതിനകം  തന്നെ മൂവായിരം കോടി രൂപയുടെ വായ്പ അനുവദിച്ചുകഴിഞ്ഞു.
 
*പാരിസ്ഥിതിക പ്രശ്‌നങ്ങള്‍ ഉണ്ടാക്കുമോ?*
 
ലോകത്തില്‍ ഏറ്റവും സുരക്ഷിതവും സുഖപ്രദവും അന്തരീക്ഷ മലിനീകരണം കുറഞ്ഞതുമായ ഗതാഗത സംവിധാനമാണ് റെയില്‍വേ. അതുകൊണ്ടുതന്നെയാണ് റെയില്‍വേ പദ്ധതിക്ക് MoEFFE യുടെ ഗൈഡ്‌ലൈന്‍ പ്രകാരം പരിസ്ഥിതി ആഘാത പഠനം ആവശ്യമില്ലാത്തത്. എങ്കിലും വികസനം പാരിസ്ഥിതിക കാര്യങ്ങള്‍ കൂടി പരിഗണിച്ചുകൊണ്ടാവണം എന്നതുകൊണ്ടാണ് ഇത്തരമൊരു  പഠനം ഇതുമായി ബന്ധപ്പെട്ട് നടത്തുന്നത്. മാത്രമല്ല, പശ്ചിമഘട്ട മലനിരകളേയും അതുപോലുള്ള പരിസ്ഥിതി ലോലപ്രദേശങ്ങളെയും പൂര്‍ണ്ണമായി ഒഴിവാക്കികൊണ്ടാണ് പാത ഒരുക്കിയിട്ടുള്ളത്.
 
സി.ആര്‍.ഇസ്സഡ് സോണുകളെയും കണ്ടല്‍ക്കാടുകളെയും കുറിച്ച് വിശദമായ റിപ്പോര്‍ട്ട് തയ്യാറാക്കാന്‍ കേന്ദ്രഗവണ്‍മെന്റിന്റെ കീഴിലുള്ള നാഷണല്‍ സെന്റര്‍ ഫോര്‍ സസ്റ്റൈനബിള്‍ കോസ്റ്റല്‍ മാനേജ്‌മെന്റിനെ ചുമതലപ്പെടുത്തിയിട്ടുള്ളത്.
 
നമ്മുടെ ദേശീയപാതയെക്കാള്‍ കൂടുതല്‍ യാത്രക്കാരെ ഉള്‍ക്കൊള്ളാന് കഴിയുമെന്ന് മാത്രമല്ല, ഭൂമിയുടെ പകുതിമാത്രമേ ഇതിന് ആവശ്യമായി വരികയുള്ളൂ.
 
*വീടുകളും കെട്ടിടങ്ങളും വന്‍തോതില്‍ തകരുമെന്ന ആശങ്ക. വസ്തുത എന്ത്?*
 
വീടുകളും കെട്ടിടങ്ങളും വന്‍തോതില്‍ തകരുമെന്നാണ് പ്രചരിപ്പിക്കുന്നത്. 9,314 ഓളം കെട്ടിടങ്ങളാണ് പാതയില്‍ വരുന്നത്. ഇവ തന്നെ പരമാവധി കുറയ്ക്കുന്നതിനുള്ള നടപടികളാണ് സ്വീകരിക്കുന്നത്. വീടുകളും കെട്ടിടങ്ങളും പരമാവധി ഒഴിവാക്കുന്നതിനും വീടുകള്‍ പൊളിക്കാതെ മാറ്റിസ്ഥാപിക്കുന്നത് ഉള്‍പ്പെടെയുള്ള സാങ്കേതികവിദ്യയും ഇതോടൊപ്പം ആസൂത്രണം ചെയ്യുന്നുണ്ട്. ഭൂമി ഏറ്റെടുക്കല്‍ കുറയ്ക്കുന്നതിന്റെ ഭാഗമായി കട്ട് & കവര്‍ നിര്‍മ്മാണ രീതിയും അവലംബിക്കുന്നുണ്ട്.
 
ഭൂമി ഏറ്റെടുക്കുമ്പോഴാകട്ടെ, പുനരധിവാസ നിയമപ്രകാരം ഗ്രാമപ്രദേശങ്ങളില്‍ വിപണി വിലയുടെ പരമാവധി നാലിരട്ടിയും നഗരങ്ങളില്‍ രണ്ടിരട്ടിയുമാണ് നഷ്ടപരിഹാരമായി ലഭിക്കുക. 13,265 കോടി രൂപയാണ് സ്ഥലമേറ്റെടുക്കലിനും നഷ്ടപരിഹാരത്തിനുമായി കണക്കാക്കിയിരിക്കുന്നത്. ഇതില്‍ 1,730 കോടി രൂപ പുനരധിവാസത്തിനും 4,460 കോടി രൂപ വീടുകളുടെ നഷ്ടപരിഹാരത്തിനുമാണ് നീക്കിവെച്ചിരിക്കുന്നത്.
 
ഇതുമായി ബന്ധപ്പെട്ട് ധനകാര്യസ്ഥാപനങ്ങളുമായി ചര്‍ച്ച ആരംഭിച്ചിട്ടുണ്ട്. സില്‍വര്‍ലൈന്‍ പാതയിലെ കൊച്ചുവേളി മുതല്‍ ചെങ്ങന്നൂര്‍ വരെയുള്ള ഭാഗത്തെ ഒന്നാം ഘട്ട സ്ഥലം ഏറ്റെടുക്കലിനായി ഇതിനായി 3000 കോടി രൂപയുടെ വായ്പ ഹഡ്‌കോ അനുവദിച്ചുകഴിഞ്ഞു.
 
 
 
 
ReplyForward

എലിപ്പനി: സൂക്ഷിക്കേണം


ജില്ലയിൽ എലിപ്പനി കേസുകളും അതുമൂലമുള്ള മരണങ്ങളും കൂടുതലായി റിപ്പോർട്ട് ചെയ്യപ്പെട്ടു തുടങ്ങിയിട്ടുണ്ട്. സപ്തംബർ, ഒക്‌ടോബർ, നവംബർ, ഡിസംബർ മാസങ്ങളിൽ ആണ് എലിപ്പനി കേസുകൾ കൂടുതൽ ഉണ്ടാകുന്നത്.

എലിപ്പനി : ലക്ഷണങ്ങളും രോഗപ്പകർച്ചയും :

ന്മ ക്ഷീണത്തോടെയുള്ള പനിയും തലവേദനയും പേശീവേദനയുമാണ് എലിപ്പനിയുടെ ലക്ഷണങ്ങൾ
ന്മ കണ്ണിൽ ചുവപ്പ്, മൂത്രക്കുറവ്, മഞ്ഞപ്പിത്തലക്ഷണങ്ങൾ തുടങ്ങിയ വയും കണ്ടേക്കാം
ന്മ എലി, പട്ടി, പൂച്ച, കന്നുകാലികൾ തുടങ്ങിയവയുടെ മൂത്രം വഴി യാണ് എലിപ്പനി പകരുന്നത്
ന്മ മൂത്രം വഴി മണ്ണിലും വെള്ളത്തിലുമെത്തുന്ന രോഗാണുക്കൾ മുറിവു കൾ വഴി ശരീരത്തിൽ എത്തിയാണ് രോഗമുണ്ടാകുന്നത്
ന്മ വയലിൽ പണിയെടുക്കുന്നവർ, ഓട, തോട്, കനാൽ, കുളങ്ങൾ, വെള്ളക്കെട്ടുകൾ എന്നിവ വൃത്തിയാക്കുന്നവർ തുടങ്ങിയവരിൽ രോഗം കൂടുതൽ കാണുന്നു

പ്രതിരോധ മാർക്ഷങ്ങൾ :

ന്മ മൃഗപരിപാലന ജോലികൾ ചെയ്യുന്നവർ കൈയുറകളും കട്ടിയുള്ള റബർ ബൂട്ടുകളും ഉപയോഗിക്കുക
ന്മ പട്ടി, പൂച്ച തുടങ്ങിയ ജീവികളുടെയും കന്നുകാലികളുടെയും മല മൂത്രാദികൾ വ്യക്തിസുരക്ഷയോടെ കൈകാര്യം ചെയ്യുക
ന്മ കന്നുകാലിത്തൊഴുത്തിലെ മൂത്രം ഒലിച്ചിറങ്ങി വെള്ളം മലിനമാകാ തെ നോക്കുക
ന്മ ആഹാരസാധനങ്ങളും കുടിവെള്ളവും എലികളുടെ വിസർജ്ജ്യ വസ്തുക്കൾ കലർന്ന് മലിനമാകാതിരിക്കാൻ എപ്പോഴും മൂടി വെക്കുക
ന്മ കെട്ടിനിൽക്കുന്ന വെള്ളത്തിൽ കുട്ടികൾ വിനോദത്തിനോ മറ്റാവശ്യ ങ്ങൾക്കോ ഇറങ്ങുന്നത് കഴിയുന്നതും ഒഴിവാക്കുക (പ്രത്യേകിച്ചും മുറിവുള്ളപ്പോൾ)
ന്മ ഭക്ഷണസാധനങ്ങൾ അലക്ഷ്യമായി വലിച്ചെറിഞ്ഞ് എലികളെ ആകർഷിക്കാതിരിക്കുക

എലിപ്പനി : പ്രതിരോധ ഗുളികകൾ കഴിക്കേണ്ടവർ :

ന്മ മലിനജലവുമായി സമ്പർക്കമുള്ളവരും ഉണ്ടാകാൻ സാധ്യതയുള്ള വരും പ്രത്യേകിച്ച് ശുചീകരണ പ്രവർത്തനങ്ങളിലേർപ്പെടുന്നവരും ഗുളിക കഴിക്കണം
ന്മ പ്രതിരോധ ഗുളികയുടെ ഒറ്റ ഡോസ് ഒരാഴ്ച മാത്രമേ രോഗത്തി നെതിരെ സുരക്ഷ നൽകുകയുള്ളൂ. അതിനാൽ മലിന ജലവുമായി സമ്പർക്കം തുടരുന്നവർ 6 ആഴ്ചകളിലും പ്രതിരോധ ഗുളികകൾ കഴിക്കേണ്ടതാണ്
എലിപ്പനി : പ്രതിരോധ ഗുളികകളും കഴിക്കേണ്ട വിധവും :
ന്മ മുതിർന്നവർക്ക് ഡോക്‌സിസൈക്ലിൻ 200 മി. ഗ്രാം (100 മി.ഗ്രാമിന്റെ 2 ഗുളികകൾ) ആഴ്ചയിലൊരിക്കൽ 6 ആഴ്ച വരെ നൽകണം
ന്മ 2 മുതൽ 12 വയസ്സു വരെയുള്ള കുട്ടികൾക്ക് ഡോക്‌സിസൈക്ലിൻ 4 മി. ഗ്രാം/കി. ഗ്രാം (ശരീര ഭാരം) ആഴ്ചയിലൊരിക്കൽ നൽകണം
ന്മ 2 വയസ്സിനു താഴെയുള്ള കുട്ടികൾക്ക് ഒരു ഡോസ് അസിത്രോമൈസിൻ 10 മി. ഗ്രാം/കി. ഗ്രാം (ശരീര ഭാരം) നൽകണം
ന്മ ഗർഭിണികൾക്കും മുലയൂട്ടുന്ന അമ്മമാർക്കും അമോക്‌സിസിലിൻ 500 മി. ഗ്രാം ദിവസം 3 നേരം 5 ദിവസത്തേക്ക് നൽകണം


ഒരു എലിപ്പനി കേസ് ഫീൽഡിൽ റിപ്പോർട്ട് ചെയ്താൽ താഴെപ്പറയുന്ന പ്രവർത്തനങ്ങൾ ചെയ്യേണ്ടതാണ്.
ന്മ റിപ്പോർട്ട് ചെയ്ത കേസിന്റെ അരകിലോമീറ്റർ ചുറ്റളവിലുള്ള വീടുകളിലും രോഗപ്പകർച്ചക്ക് സാധ്യതയുളള അതേ ജോലി ചെയ്ത മറ്റുള്ളവരിലും (ഒന്നിച്ച് ജോലി ചെയ്തവർ, സമാന സ്വ'ാവമുള്ള ജോലി ചെയ്തുകൊണ്ടിരിക്കുന്നവർ, അതേ പ്രദേശത്ത് ജോലിചെയ്യുന്നവർ ഇവരെയൊക്കെ തന്നെ ഇതിൽ ഉൾപ്പെടുത്തണം) ഫീവർ സർവേ നടത്തണം.
ന്മ പനിയുള്ളവരെയെല്ലാം ഡോക്ടരുമായി ബന്ധപ്പെടുകയും ഡോക്‌സിസൈക്ലിൻ കഴിച്ചു എന്ന് ഉറപ്പുവരുത്തുകയും വേണം.
ന്മ രോഗവ്യാപനം കൂടുതൽ ഉണ്ടാകാതിരിക്കാനുള്ള ബോധവൽക്കരണ പ്രവർത്തനം നടത്തേണ്ടതാണ്.
ന്മ പാടത്തും പറമ്പിലും ജോലി ചെയ്യുന്നവരിൽ പനി ബാധിതരെ പ്രതേ്യകം ശ്രദ്ധിക്കേണ്ടതും അതാത് പ്രദേശത്തെ സ്വകാര്യ ആശുപത്രികളിൽ ചികിത്സക്കെത്തുന്നവരിൽ സംശയാസ്പദമായ രോഗലക്ഷണമുള്ളവർക്കോ രോഗം സ്ഥിരീകരിക്കപ്പെട്ടവർക്കോ എലിപ്പനി ചികിത്സാ മാനദണ്ഡങ്ങൾ അനുസരിച്ചിട്ടുള്ള ഡോക്‌സീസൈക്ലിൻ/പെൻസിലിൻ ചികിത്സ ല'്യമാക്കുന്നുണ്ടെന്ന് മെഡിക്കൽ ഓഫീസർമാർ വഴി ഉറപ്പു വരുത്തുക. ആവശ്യമായ ചികിത്സാ മാർക്ഷനിർദ്ദേശങ്ങൾ സ്വകാര്യ ഡോക്ടർമാർക്ക് നൽകണം.
ന്മ എലിപ്പനി പ്രതിരോധ നിയന്ത്രണ പ്രവർത്തനങ്ങളിൽ ഫലപ്രദമായ മേൽനോട്ടം നൽകാനും മോണിറ്ററിങ്ങിനുള്ള ബാധ്യത മെഡിക്കൽ ഓഫീസർക്കാണ്.
ന്മ ഫീൽഡ്തലത്തിൽ ഫലപ്രദമായ രോഗനിയന്ത്രണ പ്രവർത്തനങ്ങൾ നടത്തി എന്ന് ഉറപ്പ് വരുത്തേണ്ടുന്ന ചുമതല ഫീൽഡ്തല പ്രവർത്തകർക്കും സൂപ്പർവൈസർക്കുമാണ്.

എലിപ്പനി നിരീക്ഷണവും രോഗപ്രതിരോധവും
ന്മ രോഗസാധ്യത കുടുതലുള്ള തൊഴിൽ വി'ാഗങ്ങൾക്കിടയിൽ പ്രത്യേക ബോധവൽക്കരണം നടത്തുക.
ന്മ എലിപ്പനി രോഗം പകരുന്ന രീതികെള കുറിച്ചും രോഗലക്ഷണങ്ങളെ കുറിച്ചും രോഗപ്രതിരോധ മാർക്ഷങ്ങൾ അവലം'ിക്കുന്നതിനെ കുറിച്ചും രോഗാരം'ത്തിൽ തന്നെയുള്ള ചികിത്സയുടെ ആവശ്യകതയെകുറിച്ച് അവബോധം ഉണ്ടാക്കുക.
ന്മ ശരീരത്തിൽ മുറിവുള്ളവർ ഇത്തരംജോലികളിൽ ഏർപ്പെടാതിരിക്കുക
ന്മ ഒഴിവാക്കാൻ കഴിയില്ലെങ്കിൽ മുറിവുകളിൽ ആന്റിസെപ്റ്റിക് ഓയിൽമെന്റ് പുരട്ടി നന്നായി ഡ്രസ്സ് ചെയ്തതിനുശേഷം ജോലിക്കിറങ്ങിടേണ്ടതും ജോലി കഴിഞ്ഞതിനുശേഷം വീണ്ടും മുറിവുകൾ ഡ്രസ്സ് ചെയ്യേണ്ടതുമാണ്.
ന്മ രോഗപകർച്ചക്ക് സാധ്യത കുടുതലുള്ള സ്ഥലങ്ങളിൽ ജോലി ചെയ്യുന്നവർ കൈയുറ , കാലുറ എന്നിവ ധരിച്ച ജോലിചെയ്യേണ്ടതാണ്.
ന്മ എലിയുടെ വിസർജ്ജ്യം മാത്രമല്ല മറ്റു ചില ജീവികളുടെ വിസർജ്ജ്യവും അപകടകാരിയായേക്കാം. കാർന്നു തിന്നുന്ന ജീവികളുടെ വിസർജ്ജ്യം വഴി രോഗം പകരാവുന്നതാണ്.
ന്മ പട്ടി, പൂച്ച, അണ്ണാൻ, കന്നുകാലികൾ തുടങ്ങിയവയുമായി ബന്ധപ്പെട്ട് ജോലി ചെയ്യുന്നവരും പ്രതിരോധമാർക്ഷങ്ങളും തുടർനടപടികളും സ്വീകരിക്കേണ്ടതാണ്.
ന്മ കൈതച്ചക്ക കൃഷിചെയ്യുന്ന ഇടങ്ങളിൽ ജോലി ചെയ്യുന്ന ആളുകളിൽ മുറിവുകൾ കുടുതൽ ഉണ്ടാകുന്നതും ഈ 'ാഗങ്ങളിൽ എലികൾ കുടുതലായി കാണപ്പെടുന്നതും രോഗസാധ്യത വർദ്ധിപ്പിക്കും. ഈ മേഖലയിൽ പ്രാധാന്യംകൊടുത്തുകൊണ്ടുള്ള ബോധവൽക്കരണം നടത്തേണ്ടതാണ്.
ന്മ മുൻവർഷങ്ങളിൽ എലിപ്പനി കേസുകളോ അതുമൂലമുള്ള മരണമോ റിപ്പോർട്ട് ചെയ്ത പ്രദേശങ്ങെള ഹോട്ട്‌സ്‌പോട്ടുകളായി കണക്കാക്കി പ്രവർത്തനങ്ങൾ ആസൂത്രണം ചെയ്യേണ്ടതാണ്.
ന്മ ഹൈറിസ്‌ക് വിഭാഗത്തിൽപ്പെട്ട ആളുകളുടെ ലൈൻ ലിസ്റ്റ് തയ്യാറാക്കുകയും അവർക്ക് ഡോക്‌സിസൈക്ലിൻ പ്രൊഫൈലാസിസ് നൽകുന്നതിനുള്ള ക്രമീകരണം ആവശ്യാനുസരണം നടത്തേണ്ടതുമാണ്.

അക്ഷരപ്പത്തായം ട്രെയിലർ പ്രകാശനം ചെയ്തു
കണ്ണൂർ
ഗ്രന്ഥശാലാ വാരാഘോഷത്തിന്റെ ഭാഗമായി എപിജെ അബ്ദുൾ കലാം ലൈബ്രറി തയ്യാറാക്കുന്ന അക്ഷരപ്പത്തായം ഡോക്യുഫിഷന്റെ ട്രെയിലർ മേയർ ടി ഒ മോഹനൻ പ്രകാശനം ചെയ്തു. കോർപ്പറേഷൻ ഹാളിൽ നടന്ന പരിപാടിയിൽ വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ സുരേഷ്ബാബു എളയാവൂർ അധ്യക്ഷനായി. കൗൺസിലർമാരായ എപി രാജേഷ്, പി പ്രകാശൻ നൗഫൽ ചാല, ഷിഗിൻ മംഗലശേരി എന്നിവർ സംസാരിച്ചു. പി കെ ബൈജു സ്വാഗതവും കമലാ സുധാകരൻ നന്ദിയും പറഞ്ഞു.
നഗരത്തിലെ ഗ്രന്ഥശാലകളുടെ ചരിത്രവും വർത്തമാനവും കൂട്ടി ചേർത്താണ് ഡോക്യുഫിഷൻ തയ്യാറാക്കുന്നത്. അടുത്ത ഘട്ടത്തിൽ ജില്ലയിലാകെയുള്ള ഗ്രന്ഥശാലകളെ കൂട്ടിച്ചേർത്ത് ഡോക്യുഫിഷൻ തയ്യാറാക്കും.
ലൈബ്രറിയിൽ സെക്രട്ടറി പി കെ ബൈജു പതാക ഉയർത്തി. വി കെ ആഷിയാന അഷ്‌റഫ്, നൗഫൽ ചാല, എം ഷിഗിൻ, പിപി ഷൽമ എന്നിവർ സംസാരിച്ചു.