ലോക ഗ്രന്ഥശാലകൾ 10
ഒഡീഷ യൂനിവേഴ്‌സിറ്റി സെൻട്രൽ ലൈബ്രറി
സ്വന്തം ലേഖകൻ
ഒഡീഷ
ഒഡീഷ സെൻട്രൽ ലൈബ്രറി ഒഡീഷയിലെ അക്കാദമിക് ഗവേഷണ ദൗത്യം മുന്നോട്ട് കൊണ്ടുപോകുന്നതിൽ പ്രധാന പങ്ക് വഹിക്കുന്ന സ്ഥാപനമാണ്. ഇന്ത്യയിലെ അന്താരാഷ്ട്ര നിലവാരമുള്ള ഏതൊരു ആധുനിക ലൈബ്രറികളുമായും താരതമ്യപ്പെടുത്താവുന്ന സ്ഥാപനമാണ് ഇത്.
2009-ൽ ആരംഭിച്ച സെൻട്രൽ ലൈബ്രറിയിൽ ഇപ്പോൾ നാൽപതിനായിരത്തോളം പുസ്തകങ്ങൾ ഉണ്ട്. ഇതിന് പുറമെ, ജനപ്രിയ മാസികകൾ, തിരഞ്ഞെടുത്ത ജേണലുകൾ, പ്രബന്ധങ്ങൾ, റിപ്പോർട്ടുകൾ, ഇ-ബുക്കുകൾ, ഇ-ജേണലുകൾ, സയൻസ്, ഹ്യുമാനിറ്റീസ്, സോഷ്യൽ സയൻസസ് എന്നിവയിലെ ഓൺലൈൻ ഡാറ്റാബേസുകളും ഉണ്ട്.
ലൈബ്രറിയിൽ ഇ-റിസോഴ്സ് സോൺ, കമ്പ്യൂട്ടർ സെന്റർ, ലൈബ്രറി പ്രവർത്തനത്തിനായി പ്രത്യേക സെർവർ, എയർകണ്ടീഷൻ സൗകര്യം എന്നിവയും ഒരുക്കിയിട്ടുണ്ട്.
സംസാരിക്കുന്ന ലൈബ്രറി (കാഴ്ചയില്ലാത്ത വിദ്യാർത്ഥികൾക്കായി), 02 എൻഡിഎൽ ഇ-റിസോഴ്‌സുകൾ, കൂടാതെ ഒപിഎസി, ഇ-റിസോഴ്‌സസ് എന്നിവ ആക്സസ് ചെയ്യുന്നതിന് ലൈബ്രറിയിൽ മതിയായ കമ്പ്യൂട്ടർ സൗകര്യം ഒരുക്കിയിട്ടുണ്ട്.
ദേശീയ, അന്തർദ്ദേശീയ ലൈബ്രറി നെറ്റ്വർക്കുകളുമായുള്ള പങ്കാളിത്തത്താൽ നൂതന സേവനങ്ങൾ, അത്യാധുനിക സാങ്കേതികവിദ്യകൾ എന്നിവ ഉപയോഗിച്ചുള്ള ് ലൈബ്രറി സേവനങ്ങളും അംഗങ്ങൾക്ക് വേണ്ടി ഒരുക്കിയിട്ടുണ്ട്.

മറ്റന്നാൾ മുതൽ മെയ് 16 വരെ സംസ്ഥാനത്ത് സമ്പൂർണ ലോക്ഡൗൺ

തിരുവനന്തപുരം
മെയ് എട്ടിന് രാവിലെ 6 മുതൽ മെയ് 16 വരെ സംസ്ഥാനത്ത് സമ്പൂർണ ലോക്ഡൗൺ പ്രഖ്യാപിച്ചു. കോവിഡ് 19 രണ്ടാം തരംഗം ശക്തമായ പശ്ചാത്തലത്തിൽ മുഖ്യമന്ത്രിയുടെ നിർദ്ദേശപ്രകാരമാണ് ലോക്ഡൗൺ പ്രഖ്യാപിച്ചത്
പൊതു ഗതാഗതം അവശ്യ തോതിൽ അംഗീകരിക്കും. സ്വകാര്യ വാഹനങ്ങൾ റോഡിലിറങ്ങിയാൽ പിടിച്ചെടുക്കും.

പ്ലാസ്റ്റിക്കിനെ പടിക്ക് പുറത്താക്കാൻ വേങ്ങാട് പഞ്ചായത്ത്
സ്വന്തം ലേഖകൻ
വേങ്ങാട്
പ്ലാസ്റ്റിക് രഹിത പഞ്ചായത്തായി മാറ്റുന്നതിന് ഹരിത കർമസേനയുടെയും ജനങ്ങളുടെയും ശക്തമായ ഇടപെടൽ നടത്തിയ പഞ്ചായത്താണ് വേങ്ങാട്. പ്ലാസ്റ്റിക്ക് ശേഖരിച്ച സംസ്‌കരണ യൂനിറ്റിലേക്ക് എത്തിക്കുന്ന പ്രവൃത്തി ഫലപ്രദമായിരുന്നു.
സി പി അനിത പ്രസിഡന്റും കെ മധുസൂദനൻ വൈസ് പ്രസിഡന്റുമായ ഭരണ സമിതിയാണ് ഡിസംബർ മാസം സ്ഥാനം ഒഴിഞ്ഞത്.
കാർഷിക മേഖലയിൽ കുതിപ്പ്, ദുർബല വിഭാഗങ്ങൾക്ക് മികച്ച പരിരക്ഷ, മികവിന്റെ കേന്ദ്രമായി വിദ്യാലയങ്ങൾ, എല്ലാവർക്കും കുടിവെള്ളം, തൊഴിലുറപ്പിലൂടെ പച്ചപ്പ് തുടങ്ങിയ പദ്ധതികളെല്ലാം മെച്ചപ്പെട്ടതായിരുന്നു.
• സംസ്ഥാനത്തെ ആദ്യ സംയോജിത ക്ഷീരവികസന പദ്ധതിയായ ഗ്ലോബൽ ഡെയ്‌റി വില്ലേജ് ഉടൻ പ്രവർത്തനക്ഷമമാകും.
കെ ഗീത പ്രസിഡന്റും സി ചന്ദ്രൻ വൈസ് പ്രസിഡന്റുമായുള്ള ഭരണ സമിതിയാണ് ഇപ്പോൾ അധികാരത്തിലുള്ളത്. 21 അംഗ ഭരണ സമിതിയിൽ 14 പേർ സിപിഐഎം പ്രതിനിധികളാണ്. കോൺഗ്രസിന് 3 പേരും മുസ്ലീംലീഗിന് രണ്ട് പ്രതിനിധികളുമുണ്ട്. സിപിഐക്കും ജനതാദളിനും ഓരോ അംഗങ്ങളുമുണ്ട്.

കേരളത്തിൽ 8.5 ലക്ഷം പേർക്ക് കോവിഡ് വന്നത് വീട്ടിൽ നിന്ന്.
സ്വന്തം ലേഖകൻ
കണ്ണൂർ
കേരളത്തിൽ 8.5 ലക്ഷം പേർക്ക് കോവിഡ് വന്നത് വീട്ടിൽ നിന്ന്.
സംസ്ഥാനത്ത് 50 ശതമാനം ആളുകളിലേയ്ക്ക് രോഗം പകർന്നത് വീടുകളിൽ വച്ചാണെന്നാണ് തിരുവനന്തപുരം മെഡിക്കൽ കോളേജ് നടത്തിയ പഠനം കണ്ടെത്തിയത്.
വീടുകളിൽ നിന്ന് പുറത്ത് പോയി വരുന്നവരിൽ നിന്നാണ് രോഗം പകർന്നത്. സംസ്ഥാനത്ത് രോഗം വന്ന രോഗികളിൽ 80 ശതമാനത്തിനും സമ്പർക്കം വഴിയാണെന്നത് ഗൗഗവമുള്ള കാര്യമാണ്. വീടുകളിലും മാസ്‌ക് ഉപയോഗവും സാമൂഹ്യ അകലം പാലിക്കലും ഉണ്ടായാൽ മാത്രമേ തീവ്ര വ്യാപനം തടയാൻ സാധിക്കുകയുള്ളൂ.
സംസ്ഥാനത്ത് 3,56,872 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 13,39,257 പേർ രോഗത്തിൽ നിന്ന് മുക്തരായി. വീട്ടിൽ നിന്നു പുറത്തിറങ്ങുന്നത് പരമാവധി ഒഴിവാക്കിയതിന്റെ ഫലമായി രോഗവ്യാപനത്തിന്റെ തോത് 60 ശതമാനത്തോളം കുറയ്ക്കാനായി എന്നാണ് ജപ്പാനിൽ നടന്ന പഠനങ്ങൾ വ്യക്തമാക്കുന്നത്.
എല്ലാവരും അവരവരുടെ കുടുംബത്തിനു ചുറ്റും ഒരു സുരക്ഷാവലയം ഒരുക്കാൻ ആത്മാർത്ഥമായി ശ്രമിക്കണം. വീടിൽ നിന്നു പുറത്തിറങ്ങുന്നവർ കർശനമായ ജാഗ്രത പുലർത്തണം. വീട്ടിലെ വയോജനങ്ങളും കുട്ടികളും ആയി ഇടപഴകുമ്പോൾ നന്നായി ശ്രദ്ധിക്കണമെന്നും മുഖ്യമന്ത്രി പിണറായി വിജയൻ പറഞ്ഞു.
കഴിയാവുന്നത്ര വീട്ടിൽ നിന്നു പുറത്തിറങ്ങാതിരിക്കുക എന്നതാണ് ഈ ഘട്ടത്തിൽ എടുക്കാവുന്ന ഏറ്റവും പ്രധാന മുൻകരുതൽ. ്. അതുകൊണ്ട് നമ്മുടെ നാട്ടിലും ആളുകൾ കഴിയുന്നത്ര വീട്ടിൽ തന്നെ ഇരിക്കുന്നതാണ് ഈ സന്ദർഭത്തിൽ ഏറ്റവും അനിവാര്യമായ കാര്യമെന്നും മുഖ്യമന്ത്രി പറഞ്ഞു.
ചുമ്മൽ, തുമ, ജലദോഷം, ശ്വാസം മുട്ടൽ തുടങ്ങിയ എന്തെങ്കിലും ലക്ഷണങ്ങൾ കണ്ടാൽ ഉടനെത്തന്നെ വീട്ടിലാണെങ്കിലും മാസ്‌ക് ധരിക്കണം. വീട്ടിലെ മറ്റംഗങ്ങളും മാസ്‌ക് ധരിക്കണം. ഉടനടി ടെസ്റ്റിനു വിധേയമാവുകയും കോവിഡ് രോഗബാധയുണ്ടോ എന്ന് ഉറപ്പുവരുത്തുകയും ചെയ്യണമെന്നും മുഖ്യമന്ത്രി പറഞ്ഞു.

കണ്ണൂരിൽ ഗ്യാസ് ടാങ്കർ ലോറി മറിഞ്ഞു

കണ്ണൂർ

  കണ്ണൂരിൽ ചാല ബൈപ്പാസിൽ ഗ്യാസ് ടാങ്കർ ലോറി മറിഞ്ഞു.മംഗലാപുരത്തേക്ക് പോകുകയായിരുന്ന ലോറിയാണ് മറിഞ്ഞത്.

അഗ്‌നിശമനസേനയും പോലീസും ചേർന്ന് ടാങ്കർ തണുപ്പിക്കാനുള്ള ശ്രമങ്ങൾ തുടരുകയാണ്. അമിത വേഗതയാണ് അപകടത്തിന് കാരണമെന്ന് ദൃക്‌സാക്ഷികൾ പറഞ്ഞു.

ടാങ്കറിൽനിന്ന് വാതകം ചോരുന്നതായി അഗ്‌നിശമനസേന അറിയിച്ചു. ഈ സാഹചര്യത്തിൽ പ്രദേശത്തുനിന്ന് ആളുകളെ പൊലീസ് ഒഴിപ്പിക്കുകയാണ്. മംഗലാപുരത്ത് നിന്ന് വിദഗ്ദ സംഘം എത്തിയാൽ മാത്രമേ ഗ്യാസ് ഒഴിപ്പിക്കാൻ സാധിക്കുകയുള്ളൂ.

കണ്ണൂരും പരിസരത്തുമുള്ള 6 യൂനിറ്റ് ഫയർഫോഴ്‌സ് സ്ഥലത്തെത്തി.
2012 ആഗസ്ത് 27ന് ചാലയിൽ പാചകവാതക ടാങ്കർ മറിഞ്ഞ് 20 പേർ മരിച്ചിരുന്നു. അമ്പതോളം പേർക്ക് പരിക്കുമേറ്റു. വൈദ്യുത ബന്ധം വിച്ചേദിച്ചിട്ടുണ്ട്. മംഗളുരുവിൽ നിന്ന് കോഴിക്കോട് ഭാഗത്തേക്ക് പോകുന്ന ടാങ്കറാണ് മറിഞ്ഞത്.

images/1_gas_2.jpg