Colors: Orange Color

എപിജെയുടെ ഓർമദിനത്തിൽ വിവിധ പരിപാടികൾ
കണ്ണൂർ
എപിജെ അബ്ദുൾ കലാമിന്റെ ഓർമ ദിനത്തിൽ എപിജെ അബ്ദുൾ കലാം ലൈബ്രറി പ്രവർത്തകർ ജില്ലാ ആശുപത്രി രക്ത ബേങ്കിൽ രക്തദാനം നടത്തി.
ലൈബ്രറി സെക്രട്ടറി പി കെ ബൈജു, യൂത്ത് ഫോറം ജോ. കൺവീനർ ഷിഗിൻ മംഗലശേരി, ഐടി വിഭാഗം കൺവീനർ നൗഫൽ ചാല, ഫിലിം സൊസൈറ്റി ചെയർമാൻ സജിത്ത് കോട്ടയിൽ, പി പ്രിനിത്ത്, അജ്മൽ റോഷൻ, മുഹമ്മദ് ഷമീൽ, റജ്ഫൽ റഷീദ്, മുഹമ്മദ് ഇൻഷിശ്യാം എന്നിവരാണ് രക്തം നൽകിയത്.
യുവജനക്ഷേമ ബോർഡ് യൂത്ത് പ്രോഗ്രാം ഓഫീസർ വിനോദ് പ്രിത്യുയിൽ ഉദ്ഘാടനം ചെയ്തു. ലൈബ്രറി പ്രസിഡന്റ് കെ ജയരാജൻ, സെക്രട്ടറി പി കെ ബൈജു എന്നിവർ സംസാരിച്ചു. ശാസ്ത്രസാഹിത്യ പരിഷത് ആരോഗ്യ സബ്ബ് കമ്മിറ്റി കൺവീനറും ബ്ലഡ് ബേങ്ക് ടെക്‌നീഷ്യനുമായ കെ പ്രമോദ്, ഗവ. എപ്ലോയീസ് കോ-ഓപ്പറേറ്റീവ് കേന്റീൻ സൊസൈറ്റി സെക്രട്ടറി സജീവൻ കണ്ണോത്തുംകണ്ടി, മൊയാരത്ത് ശങ്കരൻ സ്മാരക ലൈബ്രറി സെക്രട്ടറി സിപി രാജൻ, ഉസ്മാൻ ഉൽ അഫ്ഖാൻ എന്നിവർ പങ്കെടുത്തു.
അനുസ്മരണ സമ്മേളനം ലൈബ്രറി കൗൺസിൽ താലുക്ക് സെക്രട്ടറി എം ബാലൻ ഉദ്ഘാടനം ചെയ്തു. രക്തദാനം ചെയ്തവർക്കുള്ള സർട്ടിഫിക്കറ്റ് ചടങ്ങിൽ വിതരണം ചെയ്തു. കെ ജയരാജൻ അധ്യക്ഷനായി. കെഎസ്ഇബി ഓഫീസേഴ്‌സ് അസോസിയേഷൻ സംസ്ഥാന കമ്മിറ്റി അംഗം സി ജഗദീഷ്, മൊയാരത്ത് ശങ്കരൻ ഫൗണ്ടേഷൻ സെക്രട്ടറി ജനാർദ്ദനൻ മൊയാരത്ത്, സിച്ച് ഗംഗാധരൻ, കമലാ സുധാകരൻ, പിവി ദാസൻ, സിപി രാജൻ, വി കെ ആഷിയാന അഷ്‌റഫ് എന്നിവർ സംസാരിച്ചു. പി കെ ബൈജു സ്വാഗതവും അരുൺ ചിടങ്ങിൽ നന്ദിയും പറഞ്ഞു.

മുന്തിരി എന്ന ശ്രേഷ്ഠ ഫലം
എംകെപി മാവിലായി
കവികളും കലാകാരമാരും മറ്റു ഫലങ്ങളേക്കാൾ കാൽപ്പനിക ഛായ മുന്തിരിക്ക് ചാർത്തി കൊടുത്തിട്ടുണ്ട്. സോളമന്റെ ഗീതങ്ങളിലെ കാതരയായ ഇടയകന്യകയുടെ പ്രണയം പൂക്കുന്ന മുന്തിരിത്തോട്ടം അവാച്യമായ ഒരു കാവ്യാനുഭവമാണ്. മുന്തിരിങ്ങ മധുരങ്ങളിൽ രാജനും, ഔഷധങ്ങളിൽ ഉത്തമവുമാണ്.'ദ്രാക്ഷാ ഫലോത്തമാ ' എന്നാണ് ആചാര്യമതം. ബൈബിൾ ഉൾപ്പെടെ പല ഗ്രന്ഥങ്ങളിലും പരാമർശിച്ചിട്ടുള്ള മുന്തിരി പുരാതന കാലം മുതലേ കൃഷി ചെയ്തു വന്നിരുന്ന പഴച്ചെടിയാണ്. ഇത് ആഹാരമായും ഔഷധമായും ലഹരിയായും ആഗോള വ്യാപകമായി ഉപയോഗിച്ചിരുന്നു. ലോകത്ത് ഉൽപ്പാദിപ്പിക്കുന്ന മുന്തിരിയുടെ എഴുപത് ശതമാനത്തിലേറെയും വൈൻ ഉൽപ്പാദനത്തിനാണ് ഉപയോഗിക്കുന്നത്.
ജോർജിയയിലാണ് മുന്തിരി ആദ്യമായി കൃഷി ചെയ്തിരുന്നതെന്നാണ് വിശ്വാസം. പുരാതന ഗ്രീക്ക് , റോമൻ സംസ്‌ക്കാരത്തിന്റെ ഭാഗമായിരുന്നു ഈ വള്ളിച്ചെടി. പശ്ചിമേഷ്യയിലും യൂറോപ്പിലും ഇത് വ്യപകമായി കൃഷി ചെയ്തു വരുന്നു. ലോക രാജ്യങ്ങളിൽ ഇറ്റലിയാണ് മുന്തിരിയുടെ ഉൽപ്പാദനത്തിൽ ഒന്നാമത്. മഹാരാഷ്ട സംസ്ഥാനമാണ് നമ്മുടെ രാജ്യത്ത് ഏറ്റവും അധികമായി മുന്തിരി ഉൽപ്പാദിപ്പിക്കുന്നത്. കൂടാതെ തമിഴ്‌നാട്ടിലെ കമ്പം, തേനി തുടങ്ങിയ പ്രദേശങ്ങളിലും, കർണ്ണാടക, ആന്ധ്രാപ്രദേശ്, ഹരിയാന, ഉത്തർപ്രദേശ്, ഹിമാചൽ പ്രദേശ്, കാശ്മീർ , പഞ്ചാബ് എന്നിവിടങ്ങളിൽ മുന്തിരി കൃഷി ചെയ്യുന്നുണ്ട്.
കേരളത്തിൽ
കുറഞ്ഞ രീതിയിലാണെങ്കിലും പാലക്കാട്, ഇടുക്കി, തൃശൂർ ജില്ലകളിലെ മഴനിഴൽ പ്രദേശങ്ങളിൽ മുന്തിരി കൃഷി ചെയ്തു വരുന്നുണ്ട്. പലരും ഇപ്പോൾ കൗതുകത്തിനായി മുന്തിരി വളർത്തി വരുന്നുണ്ട്.
ലോകമാകെയുളള ക്രിസ്തീയ ദേവാലയങ്ങളിലെ ആരാധനാകത്തിൽ മുന്തിരി വീഞ്ഞ് ഒരു പ്രധാന ഘടകമാണ്.
വൈറ്റേസിയേ (്ശമേരലമല) സസ്യകുടുംബത്തിൽപ്പെട്ട മുന്തിരിയുടെ ശാസ്ത്രനാമം വൈറ്റിസ് വിനിഫെറ (്ശശേ െ്ശിശളലൃമ) എന്നാണ്.


സസ്യ വിവരണം
വൃക്ഷങ്ങളിലോ പന്തലിലോ പടർന്നു വളരുന്ന ബഹുവർഷ വളളിച്ചെടിയാണ് മുന്തിരി . കട്ടി കുറഞ്ഞ ഇലകളാണ് മുന്തിരിക്ക്. ഇലകൾക്ക് വൃത്താകാരമോ ഹൃദയാകൃതിയോ ആണ്. ഇലയുടെ അരികുകൾ ദന്തുരമായിരിക്കും. മുട്ടുകളിൽ നിന്നും ഉണ്ടായി വരുന്ന സ്പ്രിങ്ങ് പോലെയുള്ള വളളി ഉപയോഗിച്ചാണ് ചെടി പടർന്ന് പന്തലിക്കുക.ഇളം പച്ചനിറത്തിൽ കുലകളായി ഉണ്ടാവുന്ന പൂക്കൾ സുഗന്ധികളാണ്. പൊതുവെ മെയ്-ജൂൺ മാസങ്ങളിലാണ് മുന്തിരി പൂവിടുന്നത്. പൂക്കൾ ഒരു മാസത്തിനുളളിൽ കായ്കളായി മാറുന്നു.വേനൽക്കാലമാണ് വിളവെടുപ്പ് കാലം. കറുപ്പ്, കടുംനീല, പച്ച, പിങ്ക് തുടങ്ങിയ നിറങ്ങളിലുള്ള മുന്തിരിയിനങ്ങൾ ഇന്ന് കൃഷി ചെയ്തു വരുന്നുണ്ട്. ഭക്ഷ്യാവശ്യത്തിനുള്ള ടേബിൾ മുന്തിരി, വൈൻ നിർമ്മിക്കുവാനുളള വൈൻ മുന്തിരി എന്നിങ്ങനെ മുന്തിരിയെ രണ്ടു ഗ്രൂപ്പുകളായി വിശേഷിപ്പിക്കാറുണ്ട്.

കൃഷി രീതി
നമ്മുടെ നാട്ടിലെ ഉയർന്ന ഈർപ്പാവ സ്ഥയും മഴക്കാലങ്ങളിൽ തുടർച്ചയായി പെയ്യുന്ന മഴയും മുന്തിരി കൃഷിക്ക് അത്ര അനുയോജ്യമല്ല. പഴത്തിന് അമ്ലത കൂടുകയും രുചിയിൽ കുറവ് വരികയും ചെയ്യും. തണുപ്പുളള വരണ്ട കാലാവസ്ഥയാണ് കൃഷിക്ക് ഏറ്റവും അനുയോജ്യമായി കണ്ടിട്ടുള്ളത്.
മുന്തിരിയിൽ ഒട്ടേറെ ഇനങ്ങൾ പ്രചാരത്തിലുണ്ട്. കുരുവില്ലാത്ത മുന്തിരിയിനങ്ങളാണ് തോംസൺ സീഡ് ലെസ്, പൂനാ സീഡ് ലെസ്, ബ്യൂട്ടി സീഡ് ലെസ് എന്നിവ.
പച്ച മുന്തിരി ഇനങ്ങളാണ് അനാബി ശാഹി, പച്ച ദ്രാക്ഷി, അർക്ക ഹൻഡ്, പെർലറ്റ്, പൂസ ഐശ്വര്യ, പൂസ ഉർവ്വശി എന്നിവ. പ്രധാനപ്പെട്ട ഉണക്ക് മുന്തിരി ഇനങ്ങളാണ് സുൽത്താന, തോംസൺ സീഡ് ലെസ്, പൂസാ സീഡ് ലെസ്, അർക്ക കാഞ്ചൻ എന്നിവ. വീഞ്ഞ് തയ്യാറാക്കുവാൻ പറ്റിയവയാണ് റൂബി റെഡ്, ബ്യൂട്ടി സീഡ് ലെസ്, ബ്ലാക്ക് ചമ്പ, ഹാന്റസി , ബാംഗ്‌ളൂർ ബ്ലൂ എന്നിവ.
മുന്തിരിയുടെ തണ്ടുകളാണ് നടീൽ വസ്തുവായി ഉപയോഗിക്കുന്നത്.ഒരു വർഷം പ്രായമെത്തിയ പെൻസിൽ വണ്ണമുളള വള്ളികൾ മുറിച്ചെടുത്ത് 25-30 സെ.മീറ്റർ വലുപ്പമുള്ള കഷണങ്ങളാക്കണം. ഇത് കെട്ടാക്കി ഈർപ്പമുളള മണലിൽ ഒരു മാസത്തോളം ചായ്ച്ച് വെച്ചതിന് ശേഷം സാധാരണ പോലെ വളക്കൂറ് വരുത്തിയ മണ്ണ് നിറച്ച കവറിൽ നട്ട് വേരു പിടിപ്പിക്കാം. തണ്ടിന്റെ ഒരു മുട്ട് മാത്രം മണ്ണിന് മുകളിലും ബാക്കിയുള്ളവ മണ്ണിന്നടിയിലും വരുന്ന വിധത്തിൽ നടണം. ഇവ നന്നായി തളിർപ്പുകൾ വന്ന ശേഷം സ്ഥിരമായ സ്ഥലത്തേക്ക് മാറ്റി നടാം.
. തൈകൾ നടാനായി 60 സെ.മീറ്റർ സമചതുരത്തിലുള്ള കുഴികൾ തയ്യാറാക്കണം. ഇത് മേൽമണ്ണും ചാണകപ്പൊടിയും ചേർത്ത മിശ്രിതം കൊണ്ട് നിറക്കണം.കഴിയുടെ മധ്യത്തിൽ വേരുപിടിപ്പിച്ച തൈ നടാം. ഇവ മുകളിലേക്ക് വളർന്നു തുടങ്ങിയാൽ പന്തൽ ഒരുക്കി അതിൽ പടർത്തി കയറ്റണം. പന്തലിന്റെ ഉയരം രണ്ട് മീറ്ററാകാം. വള്ളികൾ പന്തലിൽ പടർന്നു കയറിയ ശേഷം കായ്പിടുത്തം കൂട്ടുന്നതിനും വളർച്ച കമീകരിക്കുന്നതിനും വളളികളിൽ കാലാകാലങ്ങളിൽ പ്രൂണിംഗ് നടത്തണം. ഏപ്രിൽ-മെയ്, ഒക്ടോബർ - നവംബർ മാസങ്ങളിലായി രണ്ടു തവണയാണ് വർഷത്തിൽ മുന്തിരി പ്രൂൺ ചെയ്യേണ്ടത്. ഒരു വർഷത്തെ വളർച്ചയെത്തിയതും പെൻസിൽ വണ്ണത്തിലുമുള്ളതുമായ വള്ളികളിലാണ് കായ്കൾ ഉണ്ടാവുക.
എല്ലാ വർഷവും മുന്തിരി കൃഷിക്ക് വളം ചെയ്യണം. ജൈവ വളങ്ങളായ കംബോസ്റ്റ്, കാലിവളം, എല്ലുപൊടി, പിണ്ണാക്ക് വളങ്ങൾ എല്ലാം ഉപയോഗിക്കാം. വേനൽക്കാലത്ത് നനക്കണം. പൂവിടുമ്പോഴും കായ്കൾ ഉണ്ടാവുമ്പോഴും മണ്ണിൽ ഈർപ്പം നിലനിൽക്കണം.
നമ്മുടെ കാലാവസ്ഥയിൽ വർഷത്തിൽ രണ്ടു തവണയായി മുന്തിരിയുണ്ടാവാറുണ്ട്. വേനൽക്കാലത്ത് ലഭിക്കുന്ന മുന്തിരിക്ക് നല്ല മധുരം കാണും. ഈർപ്പമുള്ള കാലാവസ്ഥയിൽ കിട്ടുന്നതിന് പുളി അൽപ്പം കൂടും. മുന്തിരി നട്ട് വളവും വെള്ളവും നൽകി പരിപാലിച്ചാൽ ഒന്നര - രണ്ട് വർഷമാകുമ്പോൾ കായ്കൾ ലഭിച്ചു തുടങ്ങും. മുന്തിരി നന്നായി പഴുത്ത് കിട്ടാൻ ഉയർന്ന താപനില ആവശ്യമാണ്. നന്നായി പഴുത്ത ശേഷമേ ചെടിയിൽ നിന്നും കായ്കൾ ശേഖരിക്കാവൂ.


പോഷക , ഔഷധ ഗുണങ്ങൾ
മുന്തിരിപ്പഴത്തിൽ കൊളസ്‌ട്രോളും കൊഴുപ്പും തീരെ ഇല്ല . കാർബോഹൈഡ്രേറ്റ് 6 ഗ്രാം, ഡയറ്റി നാരുകൾ ഒരു ഗ്രാം, പഞ്ചാസാര 1.9 ഗ്രാം മാംസ്യം ഒരു ഗ്രാം എന്നിങ്ങനെ അടങ്ങിയിരിക്കുന്നു. വിറ്റാമിനുകളിൽ വിറ്റാമിൻ സി യാണ് കൂടുതലായുളളത്.കൂടാതെ വിറ്റാമിൻ എ, വിറ്റാമിൻ ബി ഇനങ്ങൾ . വിറ്റാമിൻ ഇ, കെ എന്നിവയും ഈ ഫലത്തിലുണ്ട്. ധാതുലവണങ്ങളായ കാൽസ്യം 15.1 മി.ഗ്രാം , ഇരുമ്പ് 0.5 മി.ഗ്രാം , മഗ്‌നീഷ്യം 10.6 മി.ഗ്രാം , ഫോസ്ഫറസ് 20.2 മി.ഗ്രാം , പൊട്ടാസ്യം 28.8 മി.ഗ്രാം , സോഡിയം 3 മി.ഗ്രാം ഇവയുമുണ്ട്. ഈ പഴത്തിൽ കാണപ്പെടുന്ന വിവിധ തരം ഓർഗാനിക് അമ്ലങ്ങൾ ത്വക്കിന് നല്ല മിനുസം നൽകുന്നു. മുന്തിരിച്ചാറ് രക്തശുദ്ധി നൽകുവാൻ കഴിവുള്ളതാണ്. ഗർഭിണികൾ ഈ പഴം കഴിക്കുന്നത് അവരുടെ ആരോഗ്യത്തിനും കുട്ടിയുടെ ആരോഗ്യത്തിനും ഗുണം ചെയ്യും. ആയുർവ്വേദ വിധികളിൽ പ്രധാനമായും ഉപയോഗിക്കുന്നത് ഉണക്കമുന്തിരിയാണ്.
മുന്തിരി വിത്തിൽ നിന്നും വേർതിരിച്ചെടുക്കുന്ന എണ്ണ
പാചകാവശ്യങ്ങൾക്ക് ഉപയോഗിക്കാറുണ്ട്.

 

ടൂറിസം ഭൂമിക്കപ്പുറത്തേക്ക്
പ്രൊഫ.കെ.പാപ്പൂട്ടി

ചാന്ദ്രയാത്രയുടെ അമ്പത്തിരണ്ടാം വാർഷികം നമ്മൾ ആഘോഷമാക്കി, പ്രത്യേകിച്ച് കുട്ടികൾ. മുതിർന്നവർക്ക് കൂടുതൽ ആവേശം നൽകിയത് മറ്റു രണ്ടു വാർത്തകളാണ് : രണ്ടു കോടീശ്വരന്മാർ ബഹിരാകാശത്തേക്കു നടത്തിയ ലഘു സന്ദർശനങ്ങൾ . ജൂലൈ 11ന് റിച്ചഡ് ബ്രാൻസണും വേറെ അഞ്ചു പേരും അടങ്ങുന്ന സംഘമാണ് ആദ്യം പോയ് വന്നത്. കൂട്ടത്തിൽ സിരിഷ ബ്രാൻഡ് ല എന്ന ഒരു ഇന്ത്യൻ വംശജ ഉണ്ടായിരുന്നു എന്നത് നമ്മുടെ മാധ്യമങ്ങൾക്ക് കൊട്ടിഘോഷിക്കാൻ വക നൽകി. ഈ വിധം വംശമൂലം പറയൽ ഇന്ത്യക്കാരുടെ ഒരു ബലഹീനതയോ അധമബോധമോ (അതു തന്നെയല്ലേ ശിളലൃശീൃശ്യേ രീാുഹലഃ എന്നതിന്റെ മലയാളം ) കൊണ്ടാണെന്നു കണ്ടാൽ മതി. വെർജിൻ ഗലാക്റ്റിക് എന്ന തന്റെ ബഹിരാകാശ കമ്പനിയുടെ ഢടട ഡിശ്യേ എന്ന 'റോക്കറ്റ് വിമാന 'ത്തിലാണ് ബ്രാൻസണും കൂട്ടരും പോയത്. 11 മിനിട്ട് അവർ ബഹിരാകാശത്ത് ചെലവഴിച്ചു. അതിൽ 4 മിനിട്ട് ഭാരമില്ലാത്ത അവസ്ഥയിലായിരുന്നു. ഭാവിയിൽ എല്ലാ ദിവസവും ഇത്തരം ബഹിരാകാശ യാത്രകൾ സാധ്യമാക്കാമെന്നും 600ഓളം പേർ ഇതിനകം തന്നെ ബുക്ക് ചെയ്തു കഴിഞ്ഞെന്നുമാണ് ബ്രാൻസൺ പറയുന്നത്. ഒരു യാത്രയ്ക്ക് വെറും 2 2.5 ലക്ഷം ഡോളർ (1.5 2കോടി രൂപ ) മതിയാകും. 70 കാരനായ തനിക്ക് പോകാമെങ്കിൽ പിന്നെ ആർക്കാണ് പോകാൻ പറ്റാത്തത്!


റിച്ചഡ് ബ്രാൻസൺ
ജൂലൈ 20 ന് ആമസോൺ സ്ഥാപകൻ ജെഫ് ബെസോസും സഹോദരനും 82 വയസ്സുകാരി വാലി ഫെങ്ങ് എന്ന മുൻ വൈമാനികയും ബഹിരാകാശത്തെത്തി. ബെസോസിന്റെ സ്വന്തം ബഹിരാകാശ കമ്പനിയായ ബ്‌ളൂ ഒറിജിന്റെ ഷെപ്പേഡ് റോക്കറ്റ് ഷിപ്പിൽ ആയിരുന്നു യാത്ര. അവർ 10 മിനിട്ടിലേറെ ബഹിരാകാശത്ത് ചെലവഴിച്ചുവെന്നും 4 മിനിട്ടോളം ഭാരമില്ലായ്മ അനുഭവിച്ചുവെന്നുമാണ് വാർത്ത.
എലോൺ മസ്‌ക്ക് കൂടുതൽ തയ്യാറെടുപ്പോടെയാണ് പോകാൻ ഒരുങ്ങുന്നത്. ഏതാനും മിനിട്ട് ബഹിരാകാശത്ത് ചെലവഴിക്കാനല്ല, അവിടെ , അല്ലെങ്കിൽ ചൊവ്വയിൽ വലിയ ടൂറിസ്റ്റ് നിലയങ്ങൾ സ്ഥാപിച്ച് ദിവസങ്ങളോളം യാത്രികർക്ക് താമസിക്കാനുള്ള സൗകര്യമൊരുക്കുക എന്നതാണ് ലക്ഷ്യം. സ്‌പേസ് ത എന്ന അദ്ദേഹത്തിന്റെ കമ്പനി വികസിപ്പിച്ച വാഹനത്തിലാണല്ലോ കഴിഞ്ഞ തവണ കടട ലേക്ക് നാസ യാത്രികരെ എത്തിച്ചത്. മസ്‌ക്കിന്റെ സ്വപ്നം പാഴ് സ്വപ്നമാവില്ല എന്നു വേണം കരുതാൻ. ചൊവ്വയിൽ, ഹിമ രൂപത്തിലാണെങ്കിലും, വെള്ളമുണ്ട്. വെള്ളത്തിൽ നിന്ന് ഓക്‌സിജൻ ലഭ്യമാക്കാം. ഒരു ഫുട്ബാൾ ഗ്രൗണ്ടിനേക്കാൾ വലിയ കടട ശൂന്യതയിൽ നിർമിക്കാമെങ്കിൽ അതിലും വലിയ ഒരു സ്റ്റേഷൻ ചൊവ്വയിൽ നിർമിക്കാൻ പ്രയാസമുണ്ടാകില്ല. അതിൽ അത്യാവശ്യം കൃഷിയൊക്കെ ചെയ്ത് കുറച്ചുപേർക്ക് കുറച്ചു കാലം കഴിയാൻ പറ്റും.


എലോൺ മസ്‌ക്ക്
മുമ്പു നടന്ന ബഹിരാകാശ യാത്രകളുമായി ഈ പുതിയ സംരംഭങ്ങൾക്ക് എന്താണ് വ്യത്യാസം ?
പ്രധാന വ്യത്യാസം ഇതാണ് : പഴയ തരം വാഹനങ്ങൾ ഭാരിച്ചവയും വലിയ ഇന്ധനച്ചെലവുള്ളവയും ഉപയോഗം കഴിഞ്ഞാൽ ഉപേക്ഷിക്കുന്നവയുമാണ്. പുതുതായി വികസിപ്പിക്കുന്ന വാഹനങ്ങൾ പുനരുപയോഗശേഷിയുള്ള, ഭാരം കുറഞ്ഞ വാഹനങ്ങളാണ്. അതുകൊണ്ട് ചെലവ് കുറയും. കൂടാതെ മുമ്പത്തെപ്പോലെ ഏറെക്കാലം പരിശീലനം കിട്ടിയ ആസ്ട്രോനോട്ടുകളല്ല യാത്രികർ, ചെറിയ പരിശീലനം മാത്രം ലഭിച്ച ടൂറിസ്റ്റുകളാണ്. അവർക്ക് ധാരാളം പണവും അല്പം സാഹസികതയും ഉണ്ടായാൽ മതി.

ബഹിരാകാശ യാത്രാ രംഗത്തേക്ക് സ്വകാര്യ മേഖലയുടെ കടന്നുവരവ് വലിയ പ്രതീക്ഷയാണ് നൽകുന്നത്. മത്സരം ചെലവ് കുറയ്ക്കും, ഗുണം കൂട്ടും, പുതു സാങ്കേതിക വിദ്യകൾക്കു ജന്മം നൽകും എന്നൊക്കെയാണല്ലോ പല മുൻ അനുഭവങ്ങളും കാണിക്കുന്നത്. എന്നാൽ ഇന്ത്യ പോലുള്ള രാജ്യങ്ങളുടെ കാര്യത്തിൽ ഇതിൽ ചില അപകടങ്ങളും പതിയിരിപ്പുണ്ട്. പൊതു മുതലെല്ലാം വിറ്റഴിക്കുന്ന തിരക്കിലാണല്ലോ നമ്മുടെ കേന്ദ്ര സർക്കാർ. എലൻ മസ്‌ക്കിനെപ്പോലെ റിസ്‌ക് എടുത്ത് പുതിയ തരം ബഹിരാകാശ വാഹനങ്ങൾ ഡിസൈൻ ചെയ്യാനും കമ്പനി സ്ഥാപിക്കാനുമൊന്നും നമ്മുടെ സമ്പന്നർ മെനക്കെടില്ല. പകരം ചുളുവിലയ്ക്ക് കടഞഛ സ്വന്തമാക്കാനോ അല്ലെങ്കിൽ അതിന്റെ ഭൂരിഭാഗം ഓഹരികൾ കൈക്കലാക്കാനോ ആവും അവർ ശ്രമിക്കുക. നമ്മുടെ സർക്കാരിനും അതു സന്തോഷമാകും , അംബാനിയോ അദാനിയോ ആണെങ്കിൽ പ്രത്യേകിച്ചും. അങ്ങനെ ആയാൽ എന്താ കുഴപ്പം എന്നല്ലേ . കുഴപ്പം ഇത്രയേ ഉള്ളൂ : അമേരിക്കയും ചൈനയും യൂറോപ്പുമെല്ലാം ബഹിരാകാശ രംഗത്ത് പണം ചെലവിടുന്നത് ലാഭത്തിനു വേണ്ടി മാത്രമല്ല, ഏറെയും പ്രപഞ്ച പഠനത്തിനാണ്. ഹബ്ൾ ടെലിസ്‌കോപും കെപ്ലർ ടെലിസ്‌കോപും ചാന്ദ്ര- ചൊവ്വാ ദൗത്യങ്ങളും വൊയേജറും ഒന്നും ഒരു ലാഭവും തരുന്ന ഏർപ്പാടായിരുന്നില്ലല്ലോ. എന്നാൽ സ്വകാര്യ മേഖലയ്ക്ക് അതിലൊന്നും താല്പര്യം കാണില്ല. മസ്‌ക്കും ബെസോസും എത്ര വളർന്നാലും നാസ വില്ക്കാൻ അമേരിക്ക തയ്യാറാവില്ല. കാരണം ശാസ്ത്രം അവർക്ക് പ്രധാനമാണ്. എന്നാൽ കടഞഛ വിൽക്കാൻ നമ്മുടെ സർക്കാരിന് ഒരു മടിയുമുണ്ടാവില്ല. അതോടെ അതൊരു വ്യാപാര സ്ഥാപനമായി മാറും. ശാസ്ത്ര ഗവേഷണം നിലയ്ക്കും. ഈ അപകടം ഇന്ത്യയിൽ മാത്രമല്ല, ബ്രസീൽ, ജപ്പാൻ പോലുള്ള രാജ്യങ്ങളിലും സംഭവിക്കാം. നമുക്കു കാത്തിരുന്നു കാണാം.
കടപ്പാട് ലൂക്ക മാസിക

രോഗമകറ്റാൻ ആപ്പിൾ
എംകെപി മാവിലായി

നൂറ്റാണ്ടുകൾക്ക് മുമ്പ് തന്നെ ആപ്പിൾ ഏഷ്യയിലും യൂറോപ്പിലും വളർത്തിയിരുന്നതായി ചരിത്രരേഖകളിൽ കാണുന്നു. യൂറോപ്പിൽ നിന്നുളള കുടിയേറ്റക്കാരാണ് അമേരിക്കയിൽ ആപ്പിൾ എത്തിച്ചത്. ഇന്ന് ആപ്പിളിന്റെ ആഗോള തല ഉൽപ്പാദനത്തിൽ വടക്കെ അമേരിക്കയ്ക്കാണ് ഒന്നാംസ്ഥാനം. ഇന്ത്യക്ക് അപ്പിൾ ഉൽപ്പാദനത്തിൽ ഏഴാം സ്ഥാനമാണുള്ളത്. ചൈന, ഇംഗ്ലണ്ട്, ഫ്രാൻസ്, കിർഗിസ്താൻ എന്നി വിടങ്ങളിലും അപ്പിൾ വ്യാപകമായി കൃഷി ചെയ്തു വരുന്നു. ഇന്ത്യയിലെ ആദ്യത്തെ ആപ്പിൾ തോട്ടം ഹിമാചൽ പ്രദേശിലെ കുളുവിലായിരുന്നു. തുടർന്ന് വടക്ക് പടിഞ്ഞാറൻ സംസ്ഥാനങ്ങളായ ഉത്തർപ്രദേശ്, ഹിമാചൽ പ്രദേശ്, കാശ്മീർ , ഹരിയാന, സിക്കിം, കൂടാതെ തെക്കെ ഇന്ത്യയിലെ കാന്തല്ലൂർ നീലഗിരി, ഷേവോറീസ് പ്രാദേശങ്ങളിലെല്ലാം ആപ്പിൾ വ്യാപകമായി കൃഷി ചെയ്തു വരുന്നു.കേരളത്തിലെഹൈറേഞ്ച് മേഖലകളിൽ ഇപ്പോൾ ആപ്പിൾ കൃഷി വ്യാപിച്ചു തുടങ്ങിയിട്ടുണ്ട് . മൂന്നാർ, കാന്തല്ലൂർ പ്രദേശങ്ങളിൽ വ്യത്യസ്ഥ ആപ്പിൾ ഇനങ്ങൾ കർഷകർ വിജയകരമായി വളർത്തി വിളവെടുക്കുന്നുണ്ട്.
കമ്പാക്കിസ്താനാണ് ആപ്പിളിന്റെ ജന്മദേശമായി അറിയപ്പെടുന്നത്. അതിനാൽ 'ഫാദർ ഓഫ് ആപ്പിൾസ് ' എന്ന പേര് ഈ രാജ്യത്തിന് ലഭിച്ചു.


സസ്യ വിവരണം

അഞ്ച് മുതൽ ഒമ്പത് മീറ്റർ വരെ ഉയരത്തിൽ വളരുന്ന വൃക്ഷമാണ് ആപ്പിൾ. എളുപ്പത്തിൽ വളർത്തിയെടുക്കാവുന്ന വൃക്ഷവുമാണിത്. ചെടിക്ക് വിശാലമായ തലപ്പുകളുണ്ടാവും. ഇലകൾ ഒന്നിടവിട്ട് ക്രമീകരിക്കപ്പെട്ടതും അണ്ഡാകാരവുമാണ്. വസന്ത കാലത്ത് ഇലകൾ മുളക്കുന്നതോടൊപ്പം തന്നെ പൂമൊട്ടുകൾ പ്രത്യക്ഷപ്പെടുന്നു. പൂക്കൾ തുടക്കത്തിൽ പിങ്ക് കലർന്ന വെള്ളനിറത്തിലും പിന്നീട് മങ്ങിയ പിങ്ക് നിറത്തോടെയും കാണുന്നു. പൂക്കൾ ചെറിയ നീണ്ട ശിഖര ങ്ങളിലാണ് വളരുന്നത്. ഇവ അഞ്ചിതളുകൾ ഉള്ളതും നാല് മുതൽ ആറ് വരെയുളള കുലകളായും കാണപ്പെടുന്നു.
സ്വാഭാവികമായി ഇല പൊഴിക്കുന്ന സ്വഭാവമുണ്ട്. മരം പൂവിട്ട് നിൽക്കുമ്പോൾ ഒറ്റ ഇല പോലുമില്ലാതെ നിറയെ പൂക്കൾ മാത്രമായിട്ടായിരിക്കും കാണുക. ചെറിയ നെല്ലിക്ക വലുപ്പത്തിൽ കായ്കൾ ആയി കഴിയുബോൾ പുതിയ ഇലകൾ ദൃശ്യമാകും.
കൃഷി രീതി
മികച്ച ഇനത്തിൽപ്പെട്ട ബഡ്, ഒട്ടുതൈകളാണ് ഇന്നധിക പേരും നടീൽ വസ്തുവായി ഉപയോഗിക്കുന്നത്.
ഈർപ്പവും നീർവാർച്ചയുമുള്ള മണ്ണാണ് ആപ്പിൾ തൈകളുടെ വളർച്ചക്ക് അനുയോജ്യം.
നന്നായി സൂര്യ പ്രകാശം ലഭിക്കുന്ന സ്ഥലം ആപ്പിൾ കൃഷിക്കായി തിരഞ്ഞെടുക്കണം. വേനലിൽ നനക്കാനുള്ള സൗകര്യവുമുണ്ടാകണം.തൈകൾ തമ്മിൽ നാല് മീറ്റർ അകലം കിട്ടത്തക്കവിധം രണ്ടടി സമചതുരത്തിലുള്ള കുഴികൾ എടുക്കണം. 10 കിലോ ഉണക്കച്ചാണകപ്പൊടിയും വളക്കൂറുള്ള മേൽമണ്ണുമായി ചേർത്തിളക്കി കുഴികൾ പൂർണ്ണമായും മൂടണം. ഇപ്രകാരം തൈകൾ നടുവാനുള്ള സ്ഥലം ഒരാഴ്ച മുന്നേ തയ്യാറാക്കി വെക്കണം.
ഒട്ടുതൈകൾ ലഭിക്കുമ്പോൾ മണ്ണിൽ എത്ര ആഴത്തിലായിരുന്നുവോ അതേ ആഴത്തിൽ നില നിരപ്പിൽ ചെറിയ കുഴിയെടുത്ത് തൈകൾ നട്ടു ചുറ്റുമുളള മണ്ണ് നന്നായി ഉറപ്പിക്കണം. ശക്തിയുള്ള വെയിലിൽ നിന്നും തൈകൾക്ക് തണൽ നൽകി സംരക്ഷിക്കണം. വേനൽക്കാലത്ത് നന നൽകണം. മഴക്കാലത്ത് ചെടികൾക്ക് ചുറ്റിലും വെളളം കെട്ടി നിൽക്കുന്നില്ലെന്ന് ഉറപ്പു വരുത്തണം.
ചെടികൾക്ക് എല്ലായ്‌പ്പോഴും ജൈവാംശം ലഭിക്കത്തക്കവിധം വളം നൽകണം. കാലിവളം, കംബോ സ്റ്റ് എന്നിവയോടൊപ്പം ഒരേക്കർ കൃഷിക്ക് 100 കി.ഗാം എല്ലുപൊടി, 200 കി.ഗ്രാം വേപ്പിൻപിണ്ണാക്ക്, 400 കി.ഗ്രാം ചാരം എന്നിവയും നൽകുന്നത് മണ്ണിന്റെ ജൈവാംശം വർദ്ധിപ്പിക്കുന്നതോടൊടൊപ്പം ചെടികൾക്ക് ആവശ്യമായ പോഷകാഹാരങ്ങൾ എല്ലാ കാലത്തും മതിയാംവണ്ണം ലഭ്യമാക്കും.
നല്ലപോലെ കായ്പിടുത്തമുള്ള മരങ്ങളിൽ നിന്ന് കുറച്ച് കായ്കൾ ചെറിയ പ്രായത്തിൽ തന്നെ പറിച്ചു കളഞ്ഞാൽ ബാക്കിയുളളവയുടെ നിറവും വലിപ്പവും കൂട്ടാനാവും. നല്ല വളർച്ചയെത്തിയ ഒരു മരത്തിൽ നിന്നും ഒരു സീസണിൽ 75 കി.ഗ്രാം വരെ വിളവ് പ്രതീഷിക്കാം. കായ്കൾ പെട്ടെന്ന് ഞെട്ടിൽ നിന്നും വിട്ടു പോരുന്ന അവസരത്തിലാണ് വിളവെടുക്കേണ്ടത്. വിളവെടുത്ത പഴങ്ങൾ വായു സഞ്ചാരമുളള സ്ഥലത്ത് ഏതാണ്ട് അഞ്ചുമാസം വരെ കേട് വരാതെ സൂക്ഷിക്കാം.

പോഷക , ഔഷധ ഗുണം
പൂരിത കൊഴുപ്പ് ഒട്ടുമില്ലാത്ത ആപ്പിളിൽ കാൽസ്യം, ഇരുമ്പ്, ഫോസ്ഫറസ്, പൊട്ടാസ്യം , സിങ്ക് എന്നിവ നല്ല അളവിൽ അടങ്ങിയിട്ടുണ്ട്. കൂടാതെ വിറ്റാമിൻ എ, ബി, കോംപ്ലക്‌സ് , സി, ഇ എന്നിവയും ഡയറ്റി നാരുകളുമുണ്ട്. ഈ പഴത്തിൽ കാണപ്പെടുന്ന ക്യൂർ സെറ്റിൻ ( ഝൗലൃരലശേി), എപ്പിക്യാറ്റെച്ചിൻ (ഋുശരമലേരവശി) എന്നീ ആന്റി ഓക്‌സിഡന്റുകൾ മനുഷ്യരിൽ ഹൃദയാഘാതത്തിനും മറ്റും കാരണമാകുന്ന ഫ്രീ റാഡിക്കിൽ പദാർത്ഥങ്ങളുടെ ഉൽപ്പാദനവും പ്രവർത്തനവും നിയന്തിക്കുവാൻ കഴിവുള്ളവയാണ്.
ആപ്പിൾ കഷണങ്ങളായി മുറിക്കുമ്പോൾ മുറി ഭാഗത്തിന് നിറഭേദം വരുന്നതായി കാണാം. ആപ്പിളിൽ അടങ്ങിയിട്ടുള്ള ഫിനോളിക് പദാർത്ഥങ്ങൾ അന്തരീക്ഷത്തിലെ ഓക്‌സിജനുമായി പ്രവർത്തിച്ച് മെലാനിൻ ആയി മാറുമ്പോഴാണ് ഈ നിറമാറ്റം ഉണ്ടാവുന്നത്. ആപ്പിൾ കഷണങ്ങൾ മുറിച്ച ഉടനെ നേർപ്പിച്ച നാരങ്ങ വെളത്തിലോ, വിനാഗിരിയിലോ ഇട്ടു വെച്ചിരുന്നാൽ ഈ തവിട്ട് നിറം വരാതെ തടയുവാൻ സാധിക്കും.

ആപ്പിളിലുളള ആന്റി ഓക്‌സിഡന്റ് പദാർത്ഥങ്ങൾ ചർമ്മത്തിലെ ചുളിവുകൾ മാറ്റി നല്ല മിനുസമുള്ളതാക്കുന്നു. ഇതിന് പുറമെ ഈ പഴത്തിലുള്ള പെക്റ്റിൻ (ജലരശേി) പല ചർമ്മരോഗങ്ങളിൽ നിന്നും സംരക്ഷണം നൽകുന്നു. ആപ്പിൾ മസ്തിഷ്‌ക സീമാ കോശങ്ങളെ ഊർജ്ജിതപ്പെടുത്തുന്നു. ഓർമ്മക്കുറവ്, ക്ഷീണം എന്നിവക്കും പ്രതിവിധിയാണ്. ശരീരത്തെ റേഡിയേഷനിൽ നിന്നും സംരക്ഷിക്കാൻ സഹായിക്കുന്നത് ഇതിലടങ്ങിയിരിക്കുന്ന പെക്ടിൻ എന്ന ഘടകമാണ്.
പഴം അതേപടി ഭക്ഷിക്കാമെന്നതിന് പുറമെ
ആപ്പിൾ ഉപയോഗിച്ച് വൈൻ, ജ്യൂസ്, ജാം, സ്‌ക്വാഷ് എന്നിങ്ങനെ വ്യത്യസ്ഥ ആഹാര പദാർത്ഥങ്ങൾ ഉണ്ടാക്കാം. ആപ്പിൾ സോസ്, ആപ്പിൾ കേക്ക് എന്നിവ ഈ മേഖലയിലേക്കെത്തിയ പുതിയ വിഭവങ്ങളാണ്.
ആപ്പിളിന്റെ പോഷക ഗുണവും ഔഷധ പ്രാധാന്യവും വിളിച്ചറിയിക്കുന്ന 'അി അുുഹല മ റമ്യ സലലു െവേല റീരീേൃ മംമ്യ' എന്ന ചൊല്ല് ശരിക്കും അർത്ഥവത്താണ്.

 

വാഴ: പ്രകൃതിയുടെ വരദാനം
എംകെപി മാവിലായി


സ്വർഗീയഫലം എന്നാണ് വാഴപ്പഴത്തെ വിശേഷിപ്പിക്കുന്നത്. മനുഷ്യസംസംസ്‌ക്കാരത്തോളം തന്നെ പഴക്കമുള്ള ഫലവർഗ്ഗമാണിത്. തെങ്ങിൻ തോപ്പിൽ ഇടവിളയായി വളരുന്ന വാഴയും വാഴയോടൊപ്പം തികഞ്ഞ സൗഹാർദ്ദത്തോടെ വളർത്താവുന്ന മറ്റു വിളകളും ചേർന്ന ഒരു വിള സമ്പ്രദായം കാർഷിക കേരളത്തിന്റെ മുഖമുദ്രയാണ്.
പ്രാചീന നദീതട സംസ്‌ക്കാര കേന്ദ്രങ്ങളിൽ വാഴ സുലഭമായി വളർന്നിരുന്നുവെന്നാണ് ഗവേഷക മതം. ഹിന്ദു പുരാണങ്ങളിൽ ശരീരാമന്റെ ചിത്രകൂടാ ശ്രമത്തിനു ചുറ്റും കദളി വാഴകൾ കാടു പോലെ നിന്നിരുന്നുവെന്ന് വാത്മീകീ കാവ്യങ്ങളിൽ സൂചനയുണ്ട്. പ്ലീനിയസിന്റെ ഹിസ്റ്റോറിയ നാച്ചുറാലി സ് എന്ന പുരാതന ഗ്രീക്ക് ശാസ്ത്ര ഗ്രന്ഥത്തിലും വാഴയെപ്പറ്റി പരാമർശമുണ്ട്.
മ്യൂസേസിയേ (Musace) സസ്യ കുംബത്തിൽപ്പെട്ട വാഴയുടെ ശാസ്ത്രനാമം മ്യൂസ പാരഡൈസിയാക്ക (Musa Paradisiaca) എന്നാണ്.


സസ്യ വിവരണം
ഇന്തോ - മലയൻ പ്രദേശങ്ങളാണ് വാഴയുടെ ജന്മദേശമായി പരിഗണിക്കുന്നത്.
ഉഷ്ണമേഖലയിലും ശീതോഷ്ണ മേഖലയിലുമായി നൂറ്റിമുപ്പതിൽ പരം രാജ്യങ്ങളിൽ വ്യാപകമായി വാഴ കൃഷി ചെയ്തു വരുന്നു. ബ്രസീൽ ആണ് ഏറ്റവും കൂടുതൽ വാഴപ്പഴം ഉൽപ്പാദിപ്പിക്കുന്ന രാജ്യം.
ഏറ്റവും വലിയ ഓഷധിയാണ് വാഴ. ഏകദേശം മൂന്ന് മീറ്ററോളം ഉയരത്തിൽ വളരാൻ വാഴക്ക് കഴിയും. രണ്ടു വർഷമാണ് ഇതിന്റെ പരമാവധി ആയുസ്സ്. വാഴയെ മരത്തിന്റെ വിഭാഗത്തിൽ പെടുത്താൻ കഴിയില്ലെങ്കിലും ഇവക്ക് പാളികളുള്ള തായ്ത്തടിയുണ്ട്. ഈ പാളികളെ വാഴപ്പോളകൾ എന്ന് പറയുന്നു. ഉൾഭാഗത്തേക്ക് ചെല്ലുന്തോറും പാളികൾ മൃദയവായി രിക്കും. തായ്ത്തടിയുടെ കേന്ദ്രഭാഗത്ത് അൽപ്പം കട്ടികൂടിയതും മാംസളമായതുമായ ഒരു തണ്ട് ഉണ്ട്. ഇതിനെ വാഴക്കാമ്പ് എന്നു വിളിക്കാം. ഭൂമിക്കടിയിലുള്ള വാഴയുടെ കാണ്ഡഭാഗത്തേയും കുലയേയും ബന്ധിപ്പിക്കുന്നത് ഈ കാമ്പാണ്. . ഇതിന്റെ പച്ചനിറത്തിലുള നീളമുള്ള ഇലകൾക്ക് മൂന്ന്മീറ്റർ വരെ നീളവും അറപത് സെ.മീറ്റർ വരെ വീതിയുമുണ്ടാകും. ഓരോ ഇലയും രണ്ടു മാസത്തിനുളിൽ ഉണങ്ങുകയും പകരം ഇലകൾ വളർന്നു വരികയും ചെയ്യുന്നു. വാഴ നട്ട് ഇന മനുസരിച്ച് ആറ് മുതൽ പത്ത് മാസത്തിനകം അത് പുഷ്പിക്കുന്നു. അതായത് കുല പ്രത്യക്ഷപ്പെടുന്നു. ഇലകളുടെ ഉത്ഭവസ്ഥാനത്ത് നിന്നാണ് പൂക്കൾ അടങ്ങിയ കൂമ്പ് പുറത്തേക്ക് വരുന്നത്. പർപ്പിൾ നിറത്തിൽ അറ്റം കൂർത്ത് ഏകദേശം വലിയ പൂമൊട്ടിന്റെ ആകൃതിയാണ് വാഴക്കൂമ്പിന്. ഇതിനുള്ളിലുള്ള പാളികൾക്കിടയിലാണ് പൂക്കൾ സ്ഥിതി ചെയ്യുന്നത്. പൂക്കൾ വിരിയുമ്പോൾ അതിനെ പൊതിഞ്ഞ കൂമ്പിന്റെ പാളികൾ കൊഴിഞ്ഞു പോകുന്നു. വാഴ ജീവിത ചക്രത്തിൽ ഒരു പ്രാവശ്യം മാത്രമേ പുഷ്പിക്കുകയുള്ളൂ. അതിനു ശേഷം നശിച്ചു പോകുന്നു.
മണ്ണം കാലാവസ്ഥയും
സമുദ്രനിരപ്പിൽ നിന്ന് 1500 മീറ്റർ വരെ ഉയരമുളള പ്രദേശങ്ങളിൽ വാഴ കൃഷി ചെയ്യാമെങ്കിലും ഉയരം കൂടുതലുള്ള സ്ഥലങ്ങളിൽ വളർച്ച തൃപ്തികരമാകില്ല. വളർച്ചക്ക് ഏറ്റവും അനുയോജ്യമായ താപനില 27 ഡിഗ്രി ഇ ആണ്. നല്ല വളക്കൂറുള്ള മണ്ണം ആവശ്യത്തിന് ജല ലഭ്യതയുളള പ്രദേശങ്ങളാണ് ഏറ്റവും ഉത്തമം.

 

ഇനങ്ങൾ.
കേരളത്തിലാണ് പൊതുവെ വാഴയിനങ്ങൾ കൂടുതലായി കണ്ടുവരുന്നത്. ഇവയിൽ വാണിജ്യാടിസ്ഥാനത്തിൽ കൃഷി ചെയ്തു വരുന്ന ചിലയിനങ്ങളൊഴിച്ച് പലതും ഇന്ന് വംശമറ്റ് പോയ് കൊണ്ടിരിക്കുകയാണ്.
വാഴയിനങ്ങളെ പൊതുവെ പഴയിനം (ഠമയഹല ്മൃശലശേല െ), പച്ചക്കറിയിനം (രൗഹശിമൃ്യ ്മൃശലശേല െ) എന്നിങ്ങനെയാണ് വിഭജിച്ചിട്ടുള്ളത്. ഈ രണ്ട് ആവശ്യങ്ങൾക്കും ഉപയോഗിക്കുന്ന ഇനങ്ങളെ 'ഡ്യുവൽ പർപ്പസ് ' എന്ന വിഭാഗത്തിൽ ഉൾപ്പെടുത്തിയിരിക്കുന്നു. കേരളത്തിൽ കൃഷി ചെയ്യുന്ന വാഴയിനങ്ങളിൽ അറപത് ശതമാനവും നേന്ത്രൻ ഇനങ്ങളാണ്. ഇത് പഴത്തിനും കറി വെക്കുന്നതിനും ഒരുപോലെ അനുയോജ്യമാണ്. നേന്ത്രനിൽ തന്നെ പത്തോളം വ്യത്യസ്ഥ ഇനങ്ങൾ തിരിച്ചറിഞ്ഞിട്ടുണ്ട്.
നെടു നേന്ത്രൻ, സാൻസിബാർ, ചെങ്ങാലിക്കോടൻ, മഞ്ചേരി നേന്ത്രൻ, ബിഗ് എബാംഗ, ക്വിന്റൽ നേന്ത്രൻ എന്നിവയാണ് പ്രധാന നേന്ത്രൻ ഇനങ്ങൾ .
മോൺസ് മേരി, ഗ്രോമിഷൽ,റോബസ്റ്റ, ജയന്റ് ഗവർണ്ണർ , ഡ്വാർഫ് കാവൻഡിഷ് , കദളി, ചെങ്കദളി, പൂവൻ, പാളയംകോടൻ അഥവാ മൈസൂർ, ഞാലിപ്പൂവൻ അഥവാ നെയ് പൂവൻ, അമൃത സാഗർ, ഗ്രോസ്മിഷൽ,
കർപ്പൂരവള്ളി, പൂങ്കള്ളി , അടുക്കൻ അഥവാ കുന്നൻ , കൂമ്പില്ലാക്കണ്ണൻ എന്നിവ പഴത്തിനായി ഉപയോഗിക്കുന്ന ചെറു പഴങ്ങളാണ്.
മൊന്തൻ , തെഴുതാണി, പേയൻ, ബത്തീസ, കാഞ്ചി കേല, നേന്ത്രപ്പടത്തി എന്നിവ കറിക്കായ് ഇനങ്ങളാണ്.
കൃഷി രീതി*
ഉഴുതോ കിളച്ചോ നിലമൊരുക്കി കുഴികൾ തയ്യാറാക്കണം. വാഴയിനം, ഭൂഗർഭ ജലനിരപ്പ് എന്നിവയനുസരിച്ച് കുഴിയുടെ വലിപ്പം വ്യത്യാസപ്പെടും. പൊതുവെ 50 സെ.മീറ്റർ വീതം നീളം, വീതി, താഴ്ചയുളള കുഴികളാണ് ആവശ്യം. താഴ്ന്ന പ്രദേശങ്ങളിൽ തട്ടുകളാക്കിയോ കൂന കൂട്ടിയോ വേണം കന്നു നടാൻ. ഏറ്റവും ഉയർന്ന ജലനിരപ്പിൽ നിന്നും ഒരടിയെങ്കിലും പൊങ്ങി നിൽക്കത്തക്ക ഉയരത്തിൽ വാരങ്ങളും കൂനകളും തയ്യാറാക്കണം.
പരമ്പരാഗതമായി വാഴക്കന്ന് ഉപയോഗിച്ചാണ് വാഴകൃഷി ചെയ്യുക.

 

നല്ല മാതൃവാഴയിൽ നിന്നും ടിഷ്യൂകൾച്ചർ
സാങ്കേതിക വിദ്യയിലൂടെ ഉൽപ്പാദിപ്പിച്ചെടുത്ത തൈകളും നമ്മുടെ നാട്ടിൽ വാഴകൃഷിക്കായി ഇപ്പോൾ ഉപയോഗിക്കുന്നുണ്ട്. ഇത്തരം തൈകൾ മാതൃസസ്യത്തിന്റെ തനതായ ഗുണങ്ങൾ പ്രകടിപ്പിക്കും. ഇവ ഒരു പോലെ വളരുകയും ഒരേ സമയത്ത് ഒരേ വലുപ്പത്തിലുളള കുലകൾ ഉൽപ്പാദിപ്പിക്കുകയും ചെയ്യും.
മണ്ണിൽ നിന്നും ധാരാളം പോഷകങ്ങൾ വലിച്ചെടുത്ത് വളരുന്ന ഒരു വിളയാണ് വാഴ. തുടർച്ചയായി ഒരു സ്ഥലത്ത് വാഴ കൃഷി നടത്തുമ്പോൾ ഫലപുഷ്ടി അതിവേഗം നഷ്ടപ്പെടുന്നതായി കാണാം. വാഴ നടുന്ന സമയത്തോ അല്ലെങ്കിൽ ഒരു മാസത്തിനുളളിലോ പത്ത് കി.ഗ്രാം കാലിവളമോ, പച്ചില യോ ഒരു വാഴക്ക് എന്ന തോതിൽ ചേർത്ത് കൊടുക്കണം. അമ്ല രസമുള്ള മണ്ണിൽ അര കി.ഗ്രാം മുതൽ ഒരു കി.ഗ്രാം വരെ കുമ്മായം നടുന്ന അവസരത്തിൽ നൽകുകയും വേണം.
ഇതിന് പുറമെ നേന്ത്രൻ ഇനങ്ങൾക്ക് 190: 115: 300 ഗ്രാം എന്ന അളവിൽ എൻ.പി.കെ. പോഷകങ്ങൾ അഞ്ച് - ആറ് തവണകളായി നൽകാം. മറ്റുളള ഇനങ്ങൾക്ക് 100: 200 : 400 എന്ന തോതിലാണ് എൻ.പി.കെ. പോഷകങ്ങൾ നൽകേണ്ടത്. ഇത് രണ്ട് തുല്യ തവണകളായി നട്ട് രണ്ടാം മാസവും നാലാം മാസവും നൽകുന്നതിനാണ് കേരള കാർഷിക സർവ്വകലാശാല ശുപാർശ ചെയ്യുന്നത്.
വീട്ടുവളപ്പിലെ കൃഷിക്ക് ലഭ്യമായ ഏത് തരം ജൈവ വളങ്ങളും ചേർത്ത് കൃഷി വിജയകരമാക്കാനാവും. ചാണകം, കോഴിവളം, കംബോസ്റ്റ് തുടങ്ങിയ ജൈവ വളങ്ങളും പിണ്ണാക്ക്, എല്ലുപൊടി, മത്സ്യവളം, പച്ചില വളങ്ങളുമെല്ലാം ഇതിനായി ഉപയോഗപ്പെടുത്താവുന്നതാണ്. ജൈവ വളങ്ങളുടെ ശരിയായ അടിത്തറയിൽ വേണം വാഴക്ക് രാസവളങ്ങൾ നൽകാൻ.
നേന്ത്രൻ വാഴകൾ തമ്മിൽ 2 മീറ്റർ അകലം കിട്ടത്തക്കവിധം നടാം.
വാഴകൃഷിക്ക് പ്രത്യേകിച്ച് നേന്ത്രന് നല്ല കുല ലഭിക്കുവാൻ
ക്രമമായുള്ള ജലസേചനം അനുപേഷണീയമാണ്. വേനൽ മാസങ്ങളിൽ മൂന്ന് ദിവസത്തിലൊരിക്കൽ ഒരു വാഴക്ക് 40 ലിറ്റർ വെള്ളം എന്ന തോതിൽ നനക്കണം.
കാറ്റടിച്ച് ഒടിയാതിരിക്കാനായി വാഴക്ക് താങ്ങ് ആവശ്യമാണ്.
വാഴയിലെ മിക്ക ഇനങ്ങളും നട്ട് പത്ത് മാസം കൊണ്ട് വിളവ് നൽകുന്നവയാണ്.

 പോഷക , ഔഷധ ഗുണങ്ങൾ
വാഴപ്പഴത്തിൽ 68 മുതൽ 74 ശതമാനം വരെ ജലാംശമാണ്. അന്നജം 29 ശതമാനം, മാംസ്യം 1.2 ശതമാനം, കൊഴുപ്പ് 0.4 ശതമാനം, ഡയറ്റിനാരുകൾ 0.3 മുതൽ 0.8 ശതമാനം വരെ അടങ്ങിയിട്ടുണ്ട്.
100 ഗ്രാം പഴത്തിൽ 27 മി.ഗ്രാം മഗ്‌നീഷ്യം, 35 മി.ഗ്രാം കാൽസ്യം, 34 മി.ഗ്രാം ഫോസ്ഫറസ്, 358 മി.ഗ്രാം പൊട്ടാസ്യം, 0.15 മി.ഗ്രാം സിങ്ക്, 0.8 മി.ഗ്രാം ഇരുമ്പ് എന്നീ ലവണങ്ങൾ അടങ്ങിയിട്ടുണ്ട്. കൂടാതെ ജീവകം ബി വിഭാഗത്തിലെ തയാമിൻ, റൈബോഫ്‌ളേവിൻ, നിയാസിൻ എന്നിവയും ജീവകം സിയും കാണപ്പെടുന്നു. 100 ഗ്രാം വാഴപ്പഴം 115 കലോറി ഊർജ്ജം ശരീരത്തിന് പ്രധാനം ചെയ്യുന്നു. വാഴയുടെ കാമ്പിലും കൂമ്പിലും അന്നജത്തിന് പുറമെ ധാരാളം ധാതുലവണങ്ങളും അടങ്ങിയിട്ടുണ്ട്.
കുട്ടികൾക്ക് ആദ്യമായി കൊടുക്കുന്ന കട്ടിയുളള ആഹാരമാണ് നേന്ത്രപ്പഴം. കുട്ടികൾക്കും രോഗികൾക്കും വൃദ്ധർക്കും ഒരുപോലെ ഭക്ഷ്യയോഗ്യമാണ് വാഴപ്പഴം. വിളഞ്ഞ നേന്ത്രക്കായ് കനം കുറച്ചരിഞ്ഞ് വെയിലത്തുണക്കിപ്പൊടിച്ച് കൊച്ച് കുഞ്ഞുങ്ങൾക്ക് കുറുക്കിക്കൊടുക്കുന്നത് ആരോഗ്യദായകമാണ്. ഇത് വയറുവേദന, വയറിളക്കം, ആമാശയവ്രണം, മൂത്രരോഗങ്ങൾ എന്നിവക്ക് പ്രതിവിധിയാണ്.
വാഴപ്പഴത്തിൽ പെക്റ്റിൻ അടങ്ങിയിരിക്കുന്നതിനാൽ പഴം ദഹനസഹായിയും ഒപ്പം ശരീരത്തിലടിയുന്ന ദോഷകരമായ ഘനലോഹങ്ങളുടെ സാന്നിദ്ധ്യം ഒഴിവാക്കാനും സഹായിക്കുന്നു.
ആമാശയത്തിലുണ്ടാകുന്ന അൾസറിന് പരിഹാരമായി പഴുക്കാത്ത പച്ചക്കായ് കഴിക്കാൻ ശുപാർശ ചെയ്യാണ്ട്.
നിരവധി ചർമ്മസംബന്ധമായ പ്രശ്‌നങ്ങൾക്കും വാഴപ്പഴം പ്രതിവിധിയാണ്.
വൈവിദ്ധ്യമേറിയ ഒട്ടേറെ ഉപയോഗങ്ങൾ വാഴ കൊണ്ട് നമുക്കുണ്ട്. പച്ചക്കായാണെങ്കിൽ ഉപ്പേരി, കൊണ്ടാട്ടം, ബേബി ഫുഡ് എന്നിവയും പഴത്തിൽ നിനും ഫിഗ് , ഹൽവ, ക്യാൻഡി , പ്രിസർവ് , ഫ്രൂട്ട് ബാർ, ജ്യൂസ്, ജാം, വൈൻ, തേൻ എന്നിവയും വാഴക്കാമ്പ് കൊണ്ട് ജ്യൂസ്, അച്ചാർ, ക്യാൻഡി എന്നിവയും തയ്യാറാക്കുന്നുണ്ട്.
ഇതിന്റെ കാമ്പും കൂമ്പും മാണവും എല്ലാം പോഷകസമ്പന്നമായ ഭക്ഷ്യ വസ്തുക്കളാണ്.
വാഴ നാരിൽ നിന്ന് ബാഗുകൾ, മാറ്റുകൾ , മറ്റു അലങ്കാര വസ്തുക്കൾ എന്നിവ നിർമ്മിക്കുന്നുണ്ട്.

 

നൂറ് സംഘങ്ങൾക്ക് സ്വയം തൊഴിൽ പരിശീലനം
കണ്ണൂർ
എപിജെ അബ്ദുൾ കലാം ലൈബ്രറിയുടെ വാർഷികത്തിന്റെ ഭാഗമായി 100 സംഘങ്ങൾക്ക് എൽഇഡി ബൾബ്, മെഴുകുതിരി, പേപ്പർ ബേഗ്, പേപ്പർ ഗ്ലാസ് നിർമാണത്തിൽ സൗജന്യ നിരക്കിൽ സ്വയം തൊഴിൽ പരിശീലനം നൽകുന്നു. കുടുംബശ്രി, ജനശ്രീ, സ്വയംസഹായ സംഘങ്ങൾ, വായനശാലകൾ, ക്ലബ്ബുകൾ എന്നിവർക്ക് പരിശീലനത്തിൽ പങ്കെടുക്കാം. മലബാർ ട്രെയിനിംഗ് ഇൻസ്റ്റിറ്റ്യൂട്ടിന്റെ സഹകരണത്തോടെയാണ് പരിശീലനം.
പരീശീലന ചെലവിന്റെ 50 ശതമാനം എപിജെ അബ്ദുൾ കലാം ലൈബ്രറി വഹിക്കും. 50 ശതമാനം ഉപഭോക്താക്കൾ വഹിക്കണം. താൽപര്യമുള്ളവർ തെക്കീ ബസാർ എപിജെ അബ്ദുൾ കലാം ലൈബ്രറിയിലോ 9895963172, 9447372316 നമ്പറിലോ രജിസ്റ്റർ ചെയ്യണം.

Most Read

  • Week

  • Month

  • All